અપડેટ@મુંબઈ: એરપોર્ટ પરથી ₹38 કરોડનું 29.37 કિલો સોનું જપ્ત, જાણો સમગ્ર મામલો

અટલ સમાચાર ડોટ કોમ, ડેસ્ક 

મુંબઈ એરપોર્ટ પરથી  29.37 કિલો સોના સાથે 24 કેન્યાઈ મહિલાઓની ધરપકડ કરવામાં આવી. રેવન્યુ ઇન્ટેલિજન્સ ડિરેક્ટોરેટએ આ મહિલાઓ પાસેથી ₹37.74 કરોડનું સોનું જપ્ત કર્યું છે. આ મહિલાઓ કપડાં અને બેગમાં સોનું છુપાવીને લાવી રહી હતી.

હકીકતમાં, DRIને ઇનપુટ મળ્યું હતું કે કેન્યાના નૈરોબીથી આવતી કેટલીક મહિલા મુસાફરો સોનું લઈને મુંબઈ પહોંચશે. આ પછી છત્રપતિ શિવાજી મહારાજ આંતરરાષ્ટ્રીય હવાઈ મથક પર ઓપરેશન ‘ધહાબુ બ્લિટ્ઝ’ ચલાવવામાં આવ્યું અને શંકાસ્પદ મુસાફરોને રોકવામાં આવ્યા.

તપાસમાં મહિલાઓ પાસેથી કુલ 29.37 કિલો સોનું મળી આવ્યું. જેમાં 25.10 કિલો સોનાની લગડીઓ અને 4.27 કિલો સોનાના દાગીનાનો સમાવેશ થાય છે.