અટલ સમાચાર ડોટ કોમ, ડેસ્ક 

વડાપ્રધાન મોદી અવાર-નવાર કેટલાય પ્રોજેક્ટની શરૂવાત કરતા હોય છે. વડાપ્રધાન નરેન્દ્ર મોદી આજે ઝારખંડના પ્રવાસે છે. હજારીબાગમાં પીએમ મોદીએ શિલાન્યાસ કર્યો અને 83 હજાર 300 કરોડ રૂપિયાથી વધુની યોજનાઓનું ઉદ્ઘાટન કર્યું હતું. આ પ્રસંગે પીએમ મોદીએ કહ્યું કે આજે જે યોજનાઓનો શિલાન્યાસ કરવામાં આવ્યો તે આદિવાસીઓના કલ્યાણ સાથે જોડાયેલી છે.

આજે મહાત્મા ગાંધીની જન્મજયંતિ છે, આદિવાસી વિકાસ માટેનું તેમનું વિઝન આપણી મૂડી છે. ગાંધીજી માનતા હતા કે આદિવાસી સમાજનો વિકાસ થશે ત્યારે જ દેશનો વિકાસ થશે. પીએમએ એમ પણ કહ્યું કે સાચી દિશામાં કરવામાં આવેલા પ્રયાસો યોગ્ય પરિણામ આપે છે.

યોજનાઓનો શિલાન્યાસ કરવા સાથે, PM મોદીએ દેશ માટે ધરતી આબા આદિવાસી ગામ ઉત્કર્ષ અભિયાનની શરૂઆત કરાવી હતી. આ અભિયાન પર 79 હજાર 150 કરોડ રૂપિયાનો ખર્ચ કરવામાં આવશે. આ પછી તેઓ ઝારખંડ ભાજપ દ્વારા ચલાવવામાં આવતી પરિવર્તન યાત્રાનું સમાપન કરશે.

પીએમની મુલાકાતને લઈને રાંચી હાઈ એલર્ટ પર છે. છેલ્લા 17 દિવસમાં પીએમ મોદીની ઝારખંડની આ બીજી મુલાકાત છે. PM હજારીબાગમાં પરિવર્તન મહાસભામાં ભાગ લેશે. ઝારખંડના ચૂંટણી પ્રભારી શિવરાજ સિંહ ચૌહાણ, પ્રદેશ અધ્યક્ષ બાબુલાલ મરાંડી, ગોડ્ડા સાંસદ નિશિકાંત દુબે સહિત ઘણા મોટા નેતાઓ મંચ પર હાજર રહ્યા છે.

પીએમ મોદી ઝારખંડમાં 40 એકલવ્ય શાળાઓનું ઉદ્ઘાટન કરશે અને 25 એકલવ્ય શાળાઓનો શિલાન્યાસ કરશે. ધરતી આબા આદિવાસી ગ્રામ ઉત્કર્ષ અભિયાન 30 રાજ્યો અને કેન્દ્રશાસિત પ્રદેશોના 549 જિલ્લાઓ અને 2,740 બ્લોકમાં 5 કરોડથી વધુ આદિવાસી લોકોને જોડશે.

પીએમ મોદી સંવેદનશીલ આદિવાસી સમુદાયના લોકો સાથે વાતચીત કરશે. PM-જનમન હેઠળ રૂ. 1360 કરોડથી વધુના ખર્ચના પ્રોજેક્ટનું ઉદ્ઘાટન અને શિલાન્યાસ કર્યો. જેમાં 1380 કિલોમીટરથી વધુ રસ્તાઓ, 120 આંગણવાડીઓ, 250 બહુહેતુક કેન્દ્રો અને 10 હોસ્ટેલનો સમાવેશ થાય છે. આ ઉપરાંત 3 હજાર ગામોમાં 75 હજાર 800 થી વધુ ખાસ કરીને સંવેદનશીલ આદિવાસી જૂથો (PVTG) ઘરોનું વિદ્યુતીકરણ, 275 મોબાઇલ મેડિકલ યુનિટનું સંચાલન અને 500 આંગણવાડી કેન્દ્રોનું સંચાલન પણ શરૂ કરવામાં આવી.