અપડેટ@વર્લ્ડ: અમેરિકાએ ઈરાન પર મોટા પાયે હવાઈ હુમલો કર્યો, 140 સૈન્ય ઠેકાણાઓને નિશાન બનાવ્યા

અટલ સમાચાર ડોટ કોમ, ડેસ્ક 

અમેરિકાએ ગઇકાલે રાત્રે ઈરાન પર મોટા પાયે હવાઈ હુમલો કર્યો. અમેરિકી સેન્ટ્રલ કમાન્ડએ જણાવ્યું કે લગભગ 140 સૈન્ય ઠેકાણાઓને નિશાન બનાવવામાં આવ્યા.

CENTCOM અનુસાર, આ હુમલો હોર્મુઝમાં સાયપ્રસના ધ્વજવાળા કન્ટેનર જહાજ પર થયેલા હુમલાના જવાબમાં કરવામાં આવ્યો હતો. હુમલામાં જહાજમાં આગ લાગી ગઈ, એન્જિનને ભારે નુકસાન થયું અને ક્રૂનો એક સભ્ય ગુમ છે.

હવાઈ હુમલાના થોડા સમય પછી ઈરાને વળતો હુમલો કરવાનો દાવો કર્યો. ઈરાની સરકારી ટીવી IRIB અનુસાર, ઈરાની સેનાએ કુવૈત અને બહેરીનમાં અમેરિકી સૈન્ય ઠેકાણાઓ પર ડ્રોન હુમલા કર્યા.

ઈરાનનો દાવો છે કે કુવૈતમાં અમેરિકી પેટ્રિયટ એર ડિફેન્સ સિસ્ટમ, દારૂગોળાના ડેપો અને રડાર સાઇટ, જ્યારે બહેરીનમાં અમેરિકી કોમ્યુનિકેશન સિસ્ટમ અને રડાર સાઇટને નિશાન બનાવવામાં આવ્યા. જોકે, આ હુમલાઓની અમેરિકા, કુવૈત કે બહેરીને સત્તાવાર પુષ્ટિ કરી નથી.