અપડેટ@દેશ: પશ્ચિમ બંગાળની ફાલતા બેઠક પર આજે મતગણતરી થશે, જાણો વધુ વિગતે

અટલ સમાચાર ડોટ કોમ, ડેસ્ક 

પશ્ચિમ બંગાળની ફાલતા બેઠક પર આજે મતગણતરી થશે. મતોની ગણતરી સવારે 8 વાગ્યે શરૂ થશે. ફાલતામાં 21 મેના રોજ ફરીથી મતદાન થયું હતું. ફરીથી થયેલા મતદાનમાં લગભગ 2% મતદાન વધ્યું. ચૂંટણી પંચ મુજબ અહીં 88.13% મતદાન થયું. જ્યારે 29 એપ્રિલે આ બેઠક પર 86.71% મતદાન થયું હતું.

ફાલતામાં મુખ્ય મુકાબલો TMC અને ભાજપ વચ્ચે છે. TMC ઉમેદવાર જહાંગીર ખાને મૌખિક રીતે પોતાની ઉમેદવારી પાછી ખેંચવાની જાહેરાત કરી છે. જોકે, તેમની તરફથી આ વાત લેખિતમાં આપવામાં આવી હોવાની કોઈ માહિતી નથી. EVMમાં તેમનું નામ અને પ્રતીક હાજર રહ્યું.

29 એપ્રિલે મતદાન પછી ફાલતા વિસ્તારમાં તણાવ ઘણો વધી ગયો હતો. તે દિવસે ઘણા બૂથો પરથી ફરિયાદો મળી હતી કે EVM પર ભાજપના સિમ્બોલ પર ટેપ ચોંટાડવામાં આવી હતી. તત્કાલીન ઓબ્ઝર્વર સુબ્રત ગુપ્તાએ પોતે જ મતવિસ્તારની મુલાકાત લીધી અને તપાસ કરી. ઓછામાં ઓછા 60 બૂથોમાં છેડછાડના પુરાવા મળ્યા.

EVMમાં કથિત હેરાફેરી ઉપરાંત, તપાસમાં એ પણ સામે આવ્યું કે ઘણા મતદાન કેન્દ્રો પર લાગેલા વેબ કેમેરામાં ફૂટેજ સાથે પણ છેડછાડ કરવાનો પ્રયાસ કરવામાં આવ્યો હતો.