અપડેટ@દેશ: દેશના લગભગ 70% વિસ્તારમાં ચોમાસાના વાદળો છવાયેલા, 25 જુલાઈ સુધી વરસાદનું એલર્ટ

અટલ સમાચાર ડોટ કોમ, ડેસ્ક 

ચોમાસાની સિઝન હાલમાં ચાલી રહી છે.ઇસરોની સેટેલાઇટ તસવીરો અનુસાર, દેશના લગભગ 70% વિસ્તારમાં ચોમાસાના વાદળો છવાયેલા છે. આગામી 25 જુલાઈ સુધી ઉત્તર, પૂર્વ અને પૂર્વોત્તર ભારત સહિત દેશના 60% થી વધુ વિસ્તારોમાં સારા વરસાદની સંભાવના છે. અત્યાર સુધી ચોમાસાનો વરસાદ સામાન્ય કરતાં 24% ઓછો છે.

રાજસ્થાનમાં ચોમાસા પર બ્રેક લાગ્યા બાદ ગરમી વધવા લાગી છે. બીકાનેર સંભાગના ત્રણ જિલ્લામાં રવિવારે તાપમાન 41 ડિગ્રી સેલ્સિયસથી વધુ નોંધાયું હતું. રાજ્યભરમાં ક્યાંય પણ ભારે વરસાદ થયો નથી.

હવામાન વિભાગે સોમવાર માટે રાજ્યના 24 જિલ્લામાં વરસાદનું યલો એલર્ટ જાહેર કર્યું છે, જે આગામી ત્રણ દિવસ સુધી પ્રભાવી રહેશે. આ દરમિયાન તેજ પવનો સાથે આકાશી વીજળી પડવાની પણ ચેતવણી આપવામાં આવી છે.