અપડેટ@દેશ: નેધરલેન્ડ-હૈદરાબાદ ફ્લાઇટને બોમ્બથી ઉડાવી દેવાની ધમકી, જાણો વધુ વિગતવાર

અટલ સમાચાર ડોટ કોમ, ડેસ્ક 

ફરી એકવાર બોમ્બની ધમકી મળી છે. હૈદરાબાદ એરપોર્ટ પર નેધરલેન્ડથી આવી રહેલી કુઆલાલંપુર એરવેઝની એક ફ્લાઇટને ઇમેઇલ દ્વારા બોમ્બથી ઉડાવી દેવાની ધમકી મળી. ધમકી મળ્યા બાદથી આખું હૈદરાબાદ એરપોર્ટ હાઈ એલર્ટ પર છે. મેલમાં દાવો કરવામાં આવ્યો હતો કે પ્લેનમાં બોમ્બ છે, જે ગમે ત્યારે બ્લાસ્ટ થઈ શકે છે. જોકે, ફ્લાઇટ સુરક્ષિત રીતે હૈદરાબાદ પહોંચી ગઈ.

આ પહેલા શુક્રવારે સાંજે 6:30 વાગ્યે હૈદરાબાદ એરપોર્ટ પર બોમ્બની ધમકીનો એક ઇમેઇલ મળ્યો હતો. જેના પછી આખા એરપોર્ટની તપાસ કરવામાં આવી હતી. તેમાં કહેવામાં આવ્યું હતું કે મલેશિયાથી હૈદરાબાદ આવતી એરએશિયાની એક ફ્લાઇટને તેના પહોંચતા પહેલા જ બોમ્બથી ઉડાવી દેવામાં આવશે.