અપડેટ@વર્લ્ડ: ટેરિફ મુદ્દે અમેરિકાના રાષ્ટ્રપતિ ટ્રમ્પે અન્ય દેશોને ધમકાવ્યા, જાણો વધુ વિગતે

અટલ સમાચાર ડોટ કોમ, ડેસ્ક 

અમેરિકાના રાષ્ટ્રપતિ ડોનાલ્ડ ટ્રમ્પનું અમેરિકી સંસદમાં ભાષણ શરૂ થઈ ગયું છે. તેઓ તેમના બીજા કાર્યકાળનું બીજું ‘સ્ટેટ ઑફ ધ યુનિયન’ સંબોધન આપી રહ્યા છે. તેમણે ભાષણની શરૂઆત કરતા કહ્યું કે- આપણો દેશ પાછો આવ્યો છે, પહેલા કરતા વધુ સારો, વધુ સમૃદ્ધ અને વધુ મજબૂત બનીને.

તેમણે આ વર્ષે ઉજવવામાં આવનારી અમેરિકાની 250મી વર્ષગાંઠનો પણ ઉલ્લેખ કર્યો અને પોતાના રાષ્ટ્રપતિ તરીકેના કાર્યકાળને 'એવો બદલાવ જે લાંબા સમય સુધી યાદ રાખવામાં આવશે' ગણાવ્યો હતો. ભાષણમાં આગળ તેઓ ઈરાન અને ગાઝાની સ્થિતિની સાથે ટેરિફના મુદ્દે પણ નિવેદન આપી શકે છે.

તેમના ભાષણ દરમિયાન જેફ્રી એપ્સટીન સેક્સ સ્કેન્ડલ સાથે જોડાયેલી અનેક પીડિત મહિલાઓ પણ સંસદમાં હાજર છે. વિરોધ પક્ષ ડેમોક્રેટિક પાર્ટીના સાંસદોએ તેમને આમંત્રિત કર્યા છે. ટ્રમ્પ અને એપ્સટીન વચ્ચે લાંબા સમય સુધી મિત્રતા હતી, જોકે ટ્રમ્પ ઘણી વખત કહી ચૂક્યા છે કે તેમને એપ્સટીનના કોઈ ખોટા કામો વિશે જાણકારી નહોતી.

આ સંયુક્ત સત્રમાં હાઉસ ઓફ રિપ્રેઝન્ટેટિવ્સ, સેનેટ, સુપ્રીમ કોર્ટના જજ અને રાષ્ટ્રપતિની કેબિનેટ હાજર રહે છે. આ ભાષણમાં રાષ્ટ્રપતિ દેશની વર્તમાન સ્થિતિ અને તેમની સરકારની આગામી યોજનાઓ વિશે જણાવે છે.

અમેરિકામાં રાષ્ટ્રપતિ દર વર્ષે જાન્યુઆરી કે ફેબ્રુઆરીમાં કોંગ્રેસને સંબોધિત કરે છે, જેને 'સ્ટેટ ઓફ ધ યુનિયન' કહેવામાં આવે છે. સ્ટેટ ઓફ ધ યુનિયનના દિવસે સંસદની પ્રતિનિધિ સભા અને સેનેટના સભ્યો હાઉસ ચેમ્બરમાં એકઠા થાય છે.

હાઉસના સ્પીકર અને ઉપરાષ્ટ્રપતિ, જેઓ સેનેટના અધ્યક્ષ પણ હોય છે, રાષ્ટ્રપતિની પાછળ ઊંચા મંચ પર બેસે છે. જ્યારે રાષ્ટ્રપતિ સંસદમાં પહોંચે છે ત્યારે હાઉસના સાર્જન્ટ-એટ-આર્મ્સ તેમના આગમનની ઘોષણા કરે છે. આ પછી સ્પીકર રાષ્ટ્રપતિનો પરિચય કરાવે છે અને રાષ્ટ્રપતિ કોંગ્રેસને પોતાનું ભાષણ આપે છે.