અપડેટ@વર્લ્ડ: અમેરિકી જહાજ ત્રિપોલીથી 3500 સૈનિકો સાથે મિડલ ઈસ્ટ પહોંચ્યું, જાણો વધુ વિગતે

અટલ સમાચાર ડોટ કોમ, ડેસ્ક 

અમેરિકા ઇઝરાયલ-ઇરાન વચ્ચે હાલમાં યુદ્ધ ચાલી રહ્યું છે. અમેરિકાના 3500 વધારાના સૈનિકો મિડલ ઇસ્ટ પહોંચ્યા છે. અમેરિકી સેન્ટ્રલ કમાન્ડ અનુસાર આ સૈનિકો USS ત્રિપોલી જહાજ દ્વારા આવ્યા છે. આ સૈનિકો 31મી મરીન એક્સપેડિશનરી યુનિટનો ભાગ છે. તેમની સાથે મોટા પાયે લડાકુ વિમાનો અને હથિયારો પણ મોકલવામાં આવ્યા છે.

તે જ સમયે, અમેરિકી અખબાર વોશિંગ્ટન પોસ્ટે કેટલાક અમેરિકી અધિકારીઓને ટાંકીને જણાવ્યું હતું કે અમેરિકા ઈરાનમાં ઘણા અઠવાડિયા સુધી ચાલનારા જમીની ઓપરેશનની તૈયારી કરી રહ્યું છે.

અધિકારીઓના જણાવ્યા અનુસાર, આ ઓપરેશન મોટા પાયે નહીં હોય. તેમાં સ્પેશિયલ ફોર્સના દરોડા અને પાયદળ સૈનિકોની કાર્યવાહી શામેલ હોઈ શકે છે. જોકે, આ અંગે ટ્રમ્પ પ્રશાસને હજુ સુધી કોઈ સત્તાવાર માહિતી આપી નથી.

બીજી તરફ, ઈરાનના અંગ્રેજી અખબાર તેહરાન ટાઈમ્સે શનિવારે અમેરિકી સૈનિકોની તૈનાતી અંગે કહ્યું છે કે આ સૈનિકો ઈરાનની ધરતી પરથી શબપેટીમાં પાછા ફરશે. અખબારે તેના ફ્રન્ટ પેજ પર લખ્યું - નરકમાં તમારું સ્વાગત છે.