વાતાવરણ@દિલ્હી: હવા સતત 5માં દિવસે 'ખૂબ જ ખરાબ' કેટેગરીમાં રહી, જાણો વધુ વિગતે

અટલ સમાચાર ડોટ કોમ,, ડેસ્ક 

દિલ્હીમાં હવાનું પ્રદુષણ ખુબજ જોવા મળી રહ્યું છે. ત્યાની હવા ખુબજ દુષિત થઇ ગઈ છે. દિલ્હીની હવા સતત 5મા દિવસે 'ખૂબ જ ખરાબ' કેટેગરીમાં રહી હતી. સેન્ટ્રલ પોલ્યુશન કંટ્રોલ બોર્ડ અનુસાર, છેલ્લા 24 કલાકનો AQI ગઈકાલે સાંજે 4 વાગ્યે 325 નોંધાયો હતો. આ બુધવારના 303 AQI કરતાં વધુ છે.

આ સિવાય ગુરુવારની રાત આ સિઝનની સૌથી ઠંડી રાત તરીકે નોંધાઈ હતી. IMD અનુસાર, ગુરુવારે તાપમાન ઘટીને 10.1 ડિગ્રી સેલ્સિયસ થઈ ગયું, જે આ વખતે સામાન્ય છે. અગાઉ 21 નવેમ્બરની રાત્રે 10.2 ડિગ્રી અને 27 નવેમ્બરે 10.4 ડિગ્રી સેલ્સિયસ તાપમાન નોંધાયું હતું.

દિવસ દરમિયાન શહેરનું મહત્તમ તાપમાન 27 ડિગ્રી સેલ્સિયસ નોંધાયું હતું જે સામાન્ય કરતાં એક ડિગ્રી વધુ હતું. આ સિઝનનું આ બીજું સૌથી ઓછું તાપમાન છે. 19 નવેમ્બરે સૌથી ઠંડા દિવસનું તાપમાન 23.5 °C નોંધાયું હતું.

IMDએ શુક્રવારે મહત્તમ તાપમાન 26 ડિગ્રી સેલ્સિયસ અને લઘુત્તમ તાપમાન 10 ડિગ્રી સેલ્સિયસની આસપાસ રહેવાની આગાહી કરી છે.