હવામાન@દેશ: જબલપુર, ગ્વાલિયર સહિત રાજ્યના 12 શહેરોમાં પારો 10 ડિગ્રીથી નીચે પહોંચી ગયો

અટલ સમાચાર ડોટ કોમ, ડેસ્ક 

શિયાળની ઋતુ હાલમાં ચાલી રહી છે. લોકો કડકતી ઠંડીનો અનુભવ કરી રહ્યા છે. પહાડી રાજ્યોમાં હિમવર્ષાથી મધ્ય પ્રદેશમાં ઠંડી ફરીથી વધવા લાગી છે. શનિવારે જબલપુર, ગ્વાલિયર સહિત રાજ્યના 12 શહેરોમાં પારો 10 ડિગ્રીથી નીચે પહોંચી ગયો. ઇન્દોર, ભોપાલ, ઉજ્જૈન સહિત ઘણા જિલ્લાઓમાં સવારે ધુમ્મસ છવાયેલું રહ્યું.

રાજસ્થાનમાં છેલ્લા 2 દિવસમાં હળવા વરસાદ પછી પણ ઠંડી વધી ગઈ છે. ભીલવાડા, ચિત્તોડગઢ, રાજસમંદ સહિત 5 જિલ્લાઓમાં રવિવારે સવારે ગાઢ ધુમ્મસ છવાયેલું રહ્યું. 1 ડિસેમ્બરથી રાજ્યમાં કોલ્ડવેવનું એલર્ટ છે. શેખાવટી અને બીકાનેરમાં લઘુત્તમ તાપમાન 2 ડિગ્રી સુધી જવાની શક્યતા છે.

હિમાચલ લાંબા સમયથી વરસાદ-હિમવર્ષાની રાહ જોઈ રહેલા પ્રવાસીઓ અને સ્થાનિક લોકો માટે સારા સમાચાર છે. હવામાન વિભાગે 4 ડિસેમ્બરથી પ્રદેશના ઉપલા અને મધ્યમ પહાડી વિસ્તારોમાં હળવા વરસાદ અને હિમવર્ષાની આગાહી કરી છે.

હિમાચલ પ્રદેશમાં આ મહિને અત્યાર સુધી 93% ઓછો વરસાદ થયો છે જેના કારણે દુષ્કાળ જેવી સ્થિતિ સર્જાવા લાગી છે. જ્યારે, ઉત્તરાખંડમાં શનિવારે વાદળો છવાયેલા રહ્યા. પહાડી વિસ્તારોમાં હિમ પડી રહ્યું છે. કેદારનાથમાં તાપમાન માઇનસ 14°C અને બદ્રીનાથમાં માઇનસ 10°C સુધી પહોંચી ગયું.