હવામાન@દેશ: રાજસ્થાનના અલવર-ફતેહપુરમાં તાપમાન 10.4°C, હરિયાણામાં કરા પડ્યા, જાણો વધુ વિગતે

અટલ સમાચાર ડોટ કોમ, ડેસ્ક 

દેશમાં  વાતાવરણ અચાનક બદલાઈ ગયું છે. મેદાની અને પહાડી રાજ્યોમાં હવામાન ફરી એકવાર બદલાયું છે. રાજસ્થાનમાં છેલ્લા 2 દિવસથી વરસાદ પડી રહ્યો છે, ઘણા વિસ્તારોમાં કરા પણ પડ્યા છે. જિલ્લાઓમાં મહત્તમ તાપમાન 30°C થી ઓછું અને લઘુત્તમ તાપમાન 15°C થી ઓછું રહ્યું. સૌથી ઓછું તાપમાન અલવર-ફતેહપુરનું રહ્યું જે 10.4°C હતું.

સાયક્લોનિક સર્ક્યુલેશન અને વેસ્ટર્ન ડિસ્ટર્બન્સની અસરને કારણે મધ્ય પ્રદેશના 25 જિલ્લાઓમાં વરસાદ અને કરા પડ્યા છે. શ્યોપુરમાં 63kmphની ઝડપે પવન ફૂંકાયો. વરસાદથી પાકને નુકસાન થયું છે.

ઉત્તર પ્રદેશના 10થી વધુ જિલ્લાઓમાં વરસાદનું એલર્ટ છે. દિલ્હી-એનસીઆર અને એમપીની નજીક આવેલા જિલ્લાઓમાં પણ વરસાદનું યલો એલર્ટ છે. હરિયાણાના ભિવાની-રેવાડીમાં ગઈકાલે વરસાદ સાથે કરા પડ્યા. જેના કારણે તાપમાનમાં 7°C નો ઘટાડો થયો.

છત્તીસગઢના રાજનાંદગાંવમાં ઘણા જિલ્લાઓમાં મહત્તમ તાપમાનમાં વધારો થયો. ઉત્તરાખંડમાં કેદારનાથ અને બદરીનાથ ધામમાં હિમવર્ષા થઈ, જેના કારણે ઊંચાઈવાળા વિસ્તારોમાં ઠંડી વધી છે.