હવામાન@દેશ: મધ્ય પ્રદેશ, છત્તીસગઢ અને રાજસ્થાનના મોટાભાગના શહેરોમાં દિવસનું તાપમાન 35 ડિગ્રી સેલ્સિયસને પાર

અટલ સમાચાર ડોટ કોમ, ડેસ્ક 

ઉનાળાની ઋતુની શરૂઆત થઈ ગઈ છે.દેશભરમાં હવામાને ફરી એકવાર અલગ-અલગ રંગો બતાવવાનું શરૂ કરી દીધું છે. ઉત્તર અને મધ્ય ભારતના ઘણા રાજ્યોમાં તીવ્ર ગરમી પડવા લાગી છે, જ્યારે પહાડી વિસ્તારોમાં પશ્ચિમી વિક્ષોભની અસરથી આગામી દિવસોમાં વરસાદ અને હિમવર્ષાની સંભાવના વ્યક્ત કરવામાં આવી છે. માર્ચની શરૂઆત સાથે જ મેદાની વિસ્તારોમાં તાપમાન સામાન્ય કરતાં ઉપર ચાલી રહ્યું છે.

મધ્ય પ્રદેશ, છત્તીસગઢ અને રાજસ્થાનના મોટાભાગના શહેરોમાં દિવસનું તાપમાન 35 ડિગ્રી સેલ્સિયસને પાર કરી ગયું છે. રાજસ્થાનના બાડમેરમાં મહત્તમ તાપમાન 38°C થી વધુ નોંધાયું હતું.

મધ્ય પ્રદેશમાં મંગળવારે રાજ્યના 25 થી વધુ જિલ્લાઓમાં પારો 33 ડિગ્રીથી વધુ નોંધાયો હતો. સૌથી વધુ તાપમાન ધારમાં 35.9°C રહ્યું. જ્યારે છત્તીસગઢમાં મહત્તમ તાપમાન 36.5°C રાજનાંદગાંવમાં નોંધાયું હતું.

બીજી તરફ હિમાચલ પ્રદેશ અને ઉત્તરાખંડમાં હવામાનનો મિજાજ બદલાવાનો છે. શિમલા સહિત ઊંચાઈવાળા વિસ્તારોમાં બે દિવસ પછી હળવા વરસાદ અને હિમવર્ષાની શક્યતા છે.

ઉત્તરાખંડમાં દેહરાદૂન સહિત મેદાની જિલ્લાઓમાં તાપમાન વધી રહ્યું છે, જ્યારે 8 માર્ચથી 5 જિલ્લાઓમાં વરસાદ અને હિમવર્ષા થશે. તેમજ ઊંચાઈવાળા વિસ્તારોમાં હિમવર્ષાનું એલર્ટ જાહેર કરવામાં આવ્યું છે. જમ્મુ-કાશ્મીર, લદ્દાખ, હિમાચલ પ્રદેશ અને ઉત્તરાખંડમાં વરસાદ-હિમવર્ષાની સંભાવના.