વાતાવરણ@દેશ: રાજસ્થાનના 6 જિલ્લામાં વરસાદ સાથે કરા પડ્યા, હિમાચલ અને જમ્મુ-કાશ્મીરમાં હિમવર્ષા

અટલ સમાચાર ડોટ કોમ, ડેસ્ક 

ઉત્તર ભારતના હવામાનમાં મોટો ફેરફાર જોવા મળ્યો. રાજસ્થાનના છ જિલ્લામાં શનિવારે વરસાદ સાથે કરા પડ્યા. ઝાલાવાડમાં કરા પડવાને કારણે ગાડીઓના કાચ તૂટી ગયા. જ્યારે કોટા જિલ્લાના ડિપરીમાં ચંબલ નદી પર બનનારા પુલના શિલાન્યાસ કાર્યક્રમનો તંબુ તેજ વાવાઝોડામાં ઉડી ગયો.

મધ્ય પ્રદેશના બેતુલ અને ગ્વાલિયરમાં શનિવારે સાંજે કરા પડ્યા. રસ્તાઓ સફેદ દેખાવા લાગ્યા. રાજ્યના 45 જિલ્લામાં વાવાઝોડા-વરસાદનું એલર્ટ જાહેર કરવામાં આવ્યું છે. સિવની અને રીવામાં આકાશી વીજળી પડવાથી ચાર લોકોના મોત થયા છે.

યુપીના ચાર જિલ્લામાં પણ શનિવારે સાંજે ભારે કરા પડ્યા. કાનપુરમાં ધૂળભરી આંધી પછી વરસાદ થયો. હૈલટ હોસ્પિટલમાં પાણી ભરાઈ ગયું. જ્યારે એક ઓટો પર વડનું ઝાડ પડી ગયું. તેમાં ડ્રાઈવર અને 60 વર્ષીય મહિલાનું મોત થયું.

પંજાબના પઠાણકોટ, અમૃતસર અને મોગામાં શનિવારે વરસાદ સાથે કરા પડ્યા, જેના કારણે રસ્તાઓ પર સફેદ ચાદર જેવું પથરાયેલું જોવા મળ્યું. જ્યારે, સાંજે જલંધરમાં પણ ગાજવીજ સાથે ભારે વરસાદ થયો.

હિમાચલ પ્રદેશ અને જમ્મુ-કાશ્મીરના ઘણા વિસ્તારોમાં શનિવારે બરફવર્ષા થઈ. અટલ ટનલ રોહતાંગમાં બરફવર્ષા પછી વાહનોની લાંબી કતાર લાગી ગઈ. જ્યારે શિમલામાં ભારે કરા પડ્યા.