હવામાન@દેશ: એકસાથે 5 અલગ-અલગ સિસ્ટમ સક્રિય હોવાથી ચોમાસુ રોકાયું

અટલ સમાચાર ડોટ કોમ, ડેસ્ક 

ચોમાસાની શરૂઆતમાં જ વરસાદની અછત જોવા મળી રહી છે. લોકો અસહ્ય ગરમી અનુભવી રહ્યા છે, પણ વરસાદ વરસી નથી રહ્યો.ચોમાસું 15 દિવસમાં 19 રાજ્યો સુધી પહોંચી ગયું છે, પરંતુ 8 જૂનથી તેલંગાણામાં અટવાયેલું છે. 11 દિવસ થઈ ગયા છે, તે આગળ વધી રહ્યું નથી. આના કારણે આ રાજ્યો વરસાદ માટે તરસી રહ્યા છે. 7માં 60% સુધીનો ઘટાડો નોંધાયો છે.

આનું કારણ એક જ સમયે 5 અલગ-અલગ સિસ્ટમ સક્રિય હોવાનું છે. જેમ કે અરબી સમુદ્રમાંથી ભેજવાળી તેજ પવનો નથી આવી રહ્યા અને દક્ષિણમાંથી વાદળો ઉત્તર તરફ આગળ વધી રહ્યા નથી.

1 થી 18 જૂન વચ્ચે દેશમાં સામાન્ય કરતાં 38% ઓછો વરસાદ નોંધાયો છે. અત્યાર સુધીના આંકડા મુજબ સૌથી ખરાબ સ્થિતિ મહારાષ્ટ્રની રહી, જ્યાં સામાન્ય કરતાં 78% ઓછો વરસાદ થયો. ત્યારબાદ ગુજરાતમાં 79% ઓછો વરસાદ નોંધાયો.

મધ્ય પ્રદેશ, ઉત્તર પ્રદેશ, બિહાર, રાજસ્થાન, છત્તીસગઢ, હરિયાણા અને દિલ્હીમાં પ્રી-મોન્સૂન વરસાદ થઈ રહ્યો છે. આમ છતાં યુપી-રાજસ્થાન સહિત 7 રાજ્યોમાં તાપમાન 40°C થી વધુ છે.