હવામાન@દેશ: રાજસ્થાન, મધ્યપ્રદેશ, છત્તીસગઢના ઘણા શહેરોમાં તાપમાન 30°C ને પાર

અટલ સમાચાર ડોટ કોમ, ડેસ્ક 

દેશના ઘણા રાજ્યોમાં ગરમી અચાનક વધ્યો છે.રાજસ્થાન, મધ્યપ્રદેશ, છત્તીસગઢના ઘણા શહેરોમાં તાપમાન 30°C ને પાર કરી ગયું છે. ગુરુવારે હરિયાણાના ભિવાની, નૂંહ સહિત 5 શહેરોમાં મહત્તમ તાપમાન 30°Cથી ઉપર રહ્યું.

મધ્યપ્રદેશમાં ફેબ્રુઆરી મહિનામાં જ એપ્રિલ જેવી ગરમીની અસર છે. ગુરુવારે ઘણા શહેરોમાં દિવસનું તાપમાન 35°Cથી વધુ રહ્યું. લઘુત્તમ તાપમાન 17°Cની આસપાસ છે. ખંડવા-ખરગોનનું તાપમાન 35.2°C રહ્યું. હવામાન વિભાગે 2 માર્ચથી વેસ્ટર્ન ડિસ્ટર્બન્સ સક્રિય થવાની શક્યતાઓ વ્યક્ત કરી છે.

રાજસ્થાનમાં સમય પહેલા ગરમીની મોસમ આવી ગઈ છે. દિવસનું મહત્તમ તાપમાન 37°Cની નજીક પહોંચી ગયું છે. પશ્ચિમી જિલ્લાઓ સાથે હવે પૂર્વીય, ઉત્તરીય અને દક્ષિણી જિલ્લાઓમાં પણ ભારે તડકાને કારણે દિવસો ગરમ થવા લાગ્યા છે. જયપુર, અજમેર, ઉદયપુર સહિત ઘણા જિલ્લાઓમાં ગુરુવારે દિવસનું મહત્તમ તાપમાન 31°Cથી ઉપર નોંધાયું.

ઉત્તરાખંડ અને હિમાચલ પ્રદેશમાં શીતલહેરની સ્થિતિ છે. ઉત્તરાખંડના 6 શહેરોમાં બુધવારે તાપમાન -10°C થી નીચે રહ્યું. રાજ્યના ઉત્તરકાશી, ચમોલી અને પિથોરાગઢમાં આજથી વરસાદ અને હિમવર્ષાનું એલર્ટ છે. હિમાચલ પ્રદેશમાં આજથી આગામી 4 દિવસ સુધી હિમવર્ષાની સંભાવના છે.