રાહતઃ આ રાજ્યની સરકાર લોકોને આપશે વર્ષમાં ત્રણ LPG સિલિન્ડર ફ્રી, જાણો વધુ માહિતી

અટલ સમાચાર, ડેસ્ક

વધતી જતી મોંઘવારી વચ્ચે સામાન્ય જનતા માટે મોટા સમાચાર છે. હવે તમારી પાસે એક વર્ષમાં 3 LPG સિલિન્ડર મેળવવાની તક છે. વાસ્તવમાં, સરકાર ગરીબોને દરેક શક્ય રીતે મદદ કરવાનો પ્રયાસ કરી રહી છે. પહેલા ફ્રી રાશન અને હવે ફ્રી ગેસ સિલિન્ડર રાશન કાર્ડ ધારકોને આપવામાં આવશે. સરકારના આ નિર્ણયથી લોકોને ઘણી હદે રાહત મળી છે. ચાલો તમને જણાવીએ કે તમે આનો લાભ કેવી રીતે મેળવી શકો છો.

રેશનકાર્ડ ધારકોને ફ્રી ગેસ સિલિન્ડર મળશે

અટલ સમાચાર તમારા મોબાઇલમાં મેળવવા અહીયા ક્લિક કરો

જો તમે પણ અંત્યોદય કાર્ડના લાભાર્થી છો, તો હવે તમારી બલ્લે બલ્લે થવાની છે. હવે તમને સરકાર દ્વારા ફ્રી ગેસ સિલિન્ડર આપવામાં આવશે. પુષ્કર સિંહ ધામી સરકાર દ્વારા આપવામાં આવેલી માહિતી અનુસાર, રેશનકાર્ડ ધારકને વાર્ષિક ત્રણ એલપીજી સિલિન્ડર ફ્રીમાં આપવામાં આવશે. જો કે તેનાથી સરકાર પર આર્થિક બોજ વધશે, પરંતુ સામાન્ય લોકોને ફાયદો થશે. આ જાહેરાતની સાથે તેમાં કેટલાક નિયમો અને શરતો પણ છે, જેનું પાલન કરવું જરૂરી રહેશે. જે પછી જ તમે સિલિન્ડર મેળવી શકશો.

જાણો કોને મળશે આ યોજનાનો લાભ?
સરકારના ફ્રી ત્રણ ગેસ સિલિન્ડરના લાભ માટે કેટલીક શરતોનું પાલન કરવું ફરજિયાત છે.
લાભાર્થી ઉત્તરાખંડનો રહેવાસી હોવો ફરજિયાત છે.
આ માટે અંત્યોદય રેશનકાર્ડ ધારકોએ ગેસ કનેક્શન કાર્ડ સાથે લીંક કરાવવું જરૂરી છે.

જો તમે પણ આ સ્કીમનો લાભ લેવા માંગતા હોવ તો આ મહિનામાં એટલે કે જુલાઈમાં તમારું અંત્યોદય કાર્ડ લિંક કરાવો. જો તમે બંનેને લિંક નહીં કરો તો તમે સરકારની ફ્રી ગેસ સિલિન્ડરની યોજનાથી વંચિત રહી જશો. સરકારે તેની તૈયારીઓ પૂર્ણ કરી લીધી છે. આ અંતર્ગત અંત્યોદય ગ્રાહકોની જિલ્લાવાર યાદી પણ સ્થાનિક ગેસ એજન્સીઓને મોકલી આપવામાં આવી છે અને અંત્યોદય કાર્ડ ધારકોના રેશનકાર્ડ ધારકોને ગેસ કનેક્શન લીંક કરવા જણાવાયું છે. ઉત્તરાખંડ સરકારના આ નિર્ણય બાદ રાજ્યના લગભગ 2 લાખ અંત્યોદય કાર્ડ ધારકોને મોટો ફાયદો થશે, જ્યારે સરકારને આ યોજનાથી કુલ 55 કરોડ રૂપિયાનો બોજ ઉઠાવવો પડશે.