તમે નવું ઘર ખરીદવાનું વિચારી રહ્યા છો તો આ બેન્કની ખાસ ઓફર જાણો
benk of baroda
બેંક ઑફ બરોડાએ પોતાના અધિકૃત ટ્વિટર હેન્ડલ પર આ અંગેની જાણકારી આપી છે. બેંક તરફથી ટ્વિટ કરીને લખવામાં આવ્યું છે કે
16 નવેમ્બર, 2021ના રોજ મેગા ઈ-ઑક્શન કરવામાં આવશે. જેમાં રહેણાંક અને કોમર્શિયલ સંપત્તિની હરાજી કરવામાં આવશે. 
નવી દિલ્હી : નવા વર્ષની શરૂઆત થઇ ચુકી છે ત્યારે અનેક લોકો ભાડાના મકાનમાં રહે છે તેમના માટે રાહતના સમાચાર છે. બેન્ક ઓફ બરોડા ઘર ખરીદવા માગતા લોકો માટે ખાસ ઓફર લાવી છે. જેને લઇને લોકો પોતાનું નવું ઘર ખરીદી શકશે. આ ઑફરમાં તમને ઓછી  કિંમતે ઘર ખરીદવાનો મોકો મળશે. BOB પ્રોપર્ટીનો હરાજી કરવા જઈ રહી છે. આ હરાજી 16મી નવેમ્બરથી શરૂ થશે. આ એવી પ્રોપર્ટી છે જે ડિફૉલ્ટની યાદીમાં આવી ચૂકી છે. ઉલ્લેખનીય છે કે IBAPI (Indian Banks Auctions Mortgaged Properties Information) તરફથી આ અંગેની માહિતી આપવામાં આવી છે. બેંક ઑફ બરોડા જે પ્રોપર્ટીની હરાજી કરવા જઈ રહી છે તેમાં રહેણાંક મકાનો, કૉમર્શિયલ બિલ્ડિંગ્સ અને ખેતીની સંપત્તિનો સમાવેશ થાય છે.
બેંક ઑફ બરોડાએ પોતાના અધિકૃત ટ્વિટર હેન્ડલ પર આ અંગેની જાણકારી આપી છે. બેંક તરફથી ટ્વિટ કરીને લખવામાં આવ્યું છે કે 16 નવેમ્બર, 2021ના રોજ મેગા ઈ-ઑક્શન કરવામાં આવશે. જેમાં રહેણાંક અને કોમર્શિયલ સંપત્તિની હરાજી કરવામાં આવશે. અહીં તમે યોગ્ય કિંમતમાં સંપત્તિની ખરીદી કરી શકો છો.
બેંક ઑફ બરોડાના મેગા ઈ ઑક્શન માટે ઇચ્છુક લોકોએ e-Bkray પોર્ટલ https://ibapi.in/ પર નોંધણી કરાવવી પડશે. આ પોર્ટલ પર 'બિડર્સ રજિસ્ટ્રેશન' પર ક્લિક કર્યાં બાદ મોબાઇલ નંબર અને ઈ-મેઇલ આઈડી મારફતે નોંધણી કરાવી શકાય છે. બિડરે જરૂરી KYC ડૉક્યુમેન્ટ અપલોડ કરવાના રહેશે. KYC દસ્તાવેજોની ઈ હરાજી સર્વિસ પ્રોવાઇડર તરફથી ખરાઈ કરવામાં આવશે. આ માટે બે દિવસનો સમય લાગી શકે છે.
પ્રોપર્ટી હરાજી માટે વધુ જાણકારી માટે તમે આ લિંક https://www.bankofbaroda.in/e-auction.htm?utm_source=SM&utm_medium=Post&utm_campaign=MegaAuction_km પર ક્લિક કરીને માહિતી મેળવી શકો છો.
ઉલ્લેખનીય છે કે લોન પર લીધેલી સંપત્તિના કેસમાં જ્યારે સંપત્તિનો માલિક લોનની રકમ નથી ચૂકવતી ત્યારે આવી સંપત્તિ નોટિસ આપીને વિધિવત રીતે જપ્ત કરવામાં આવે છે. જે બાદમાં આવી સંપત્તિની હરાજી કરવામાં આવતી હોય છે. સંપત્તિની હરાજી કરીને બેંક પોતાની બાકીની રકમ વસૂલ કરતી હોય છે.