રાજકારણ@દેશ: CM ભુપેન્દ્ર પટેલ દિલ્હીના પ્રવાસે, PM સાથે કરશે મુલાકાત, બીજી તરફ પાટીલે કમલમમાં બેઠક બોલાવી

અટલ સમાચાર ડોટ કોમ, ડેસ્ક

સીએમ ભૂપેન્દ્ર પટેલ મુખ્યસચિવ રાજકુમારની સાથે આજે દિલ્હીના પ્રવાસે છે. જ્યાં તેઓ પૂર્વનિર્ધારિત બેઠકોની સાથે સાથે વડાપ્રધાન મોદી સાથે પણ મુલાકાત કરશે.બીજી તરફ ભાજપના સદસ્યતા અભિયાનમાં બે કરોડ સભ્ય નોંધણી સામે માંડ ૯૦- ૯૫ લાખ સભ્યો નોંધતા આજે પ્રદેશ ભાજપ કાર્યાલય- શ્રી કમલમે રાજ્યના નવા અને જૂના ધારાસભ્યો, સાંસદો અને આ અભિયાનના ઈન્ચાર્જની બેઠકનું આયોજન કરાયુ છે. જેને પ્રદેશ અધ્યક્ષ અને કેન્દ્રીય જળશક્તિ મંત્રી સી.આર.પાટિલ સંબોધશે અને સભ્ય નોંધણી માટે સૌને ટાસ્ક સોંપશે તેમ જણવા મળ્યુ છે.

ગત સપ્તાહના અંતે શનિવારે અચાનક રવિવારે કેબિનેટની બેઠક અને તે પછીના મંગળવારે પ્રદેશ ભાજપ કાર્યાલયે ચાલુ અને પૂર્વ ધારાસભ્યો– સાંસદોની બેઠકનુ આયોજન થયુ ત્યારથી જાતભાતની અટકળો છે. દરમિયાન મંગળવારે પ્રદેશ કાર્યલાય- શ્રી કમલમે ૩૫૦થી વધારે પુર્વ અને વર્તમાન ધારાસભ્યો સાંસદોની યોજનારી બેઠક અંગે ભાજપના નેતાએ કહ્યુ કે, આ બેઠકમાં સદસ્યતા અભિયાનમાં લક્ષ્‍યાંક સિધ્ધી માટે સંગઠન મહામંત્રી રત્નાકર, પ્રદેશ અધ્યક્ષ પાટિલ અને મુખ્યમંત્રી માર્ગદર્શન આપશે.

વડાપ્રધાન નરેન્દ્ર મોદીને જાહેર શાસન સરકારી વહિવટમાં પદાપર્ણ કર્યાના ૨૩ વર્ષ નિમિત્તે રાજ્યભરમાં ૧૫મી ઓક્ટોબર સુધીમાં યોજનારા કાર્યક્રમોમાં સામેલ થવા તેમજ આવનારી પાલિકા પંચાયતની ચૂંટણીઓને લઈને પણ વિચાર-વિમર્શ- પરામર્શ થશે. આ બેઠકનું આયોજન મંગળવારે બપોરે ત્રણેક કલાકે શ્રી કમલમ-કોબા ખાતે કરવામાં આવ્યુ છે.