રાધનપુર: ACBની પૂછપરછમાં પાલિકાના ચીફ ઓફિસરને પરસેવો છૂટી ગયો

અટલ સમાચાર, મહેસાણા

રાધનપુર નગરપાલિકના ઈજનેરની એસીબીમા ધરપકડ બાદ ફરી એકવાર ગરમાવો આવી ગયો છે. એસીબીએ પાલિકાના ચીફ ઓફિસરની બંધબારણે પૂછપરછ કરતાં પરસેવો છૂટી ગયો હતો. આ સાથે લાંચ કેસ સંબંધિત કાગળો એસીબી ટીમ લઇ ગઇ હતી.

પાટણ જિલ્લાની રાધનપુર નગરપાલિકના ચીફ ઓફિસરની ગત દિવસોએ સર્કિટ હાઉસમાં પૂછપરછ કરવામાં આવી હતી. ભુજ એસીબીએ લાંચિયા ઈજનેરની ધરપકડ કર્યા બાદ કેસ સંદર્ભે ચીફ ઓફિસરને સળંગ ત્રણ કલાક સવાલો કર્યા હતા. જેનાથી ચીફ ઓફિસર રૂડાભાઇ રબારીને પરસેવો છૂટી ગયો હતો.

સૂત્રોએ જણાવ્યું હતું કે, લાંચિયા ઈજનેર પાસેથી મળી આવેલા ફોન કોલ રેકોર્ડિંગ ક્લીપથી એસીબી અનેક બાબતો જાણી રહી છે. જેનાથી અન્ય કર્મચારીઓ પણ ભારે ગભરાટમાં આવી ગયા છે.