આ સમાચાર ને શેર કરવા અહીં ક્લિક કરો

અટલ સમાચાર, ડેસ્ક

કોરોનાથી બચવા શું શું કરવુ જોઈએ અને શુ ન કરવુ જોઈએ તેવી વારંવાર સૂચના સરકાર દ્વારા આપવામાં આવે છે. છતાં જવાબદાર નેતાઓ ભાન ભૂલી જાય છે. એક તરફ મુખ્યમંત્રી જાહેરમાં ન થૂકવાનું સૂચન કરી રહ્યા છે, તો બીજી તરફ રાજકોટ ના ભાજપના ધારાસભ્ય પોતાના જ રાહત રસોડામાં થૂકતા કેમેરામાં ઝડપાઈ ગયા છે. રાજકોટના ધારાસભ્ય અરવિંદ રૈયાણી નો વીડિયો વાયરલ થયો છે. જેમાં ખુદ ધારાસભ્ય જ જાહેરમાં ન થૂંકવાની પોતાના જ મુખ્યમંત્રીની સૂચનાનું ઉલ્લંઘન કરતા જોવા મળ્યા. પરંતુ ગણતરીના કલાકોમાં જ રાજકોટ મહાનગરપાલિકાએ અરવિંદ રૈયાણીને દંડ ફટાકર્યો હતો.

અટલ સમાચાર આપના મોબાઇલમાં મેળવવા અહિં ક્લિક કરો

અરવિંદ રૈયાણી રાજકોટના કોર્પોરેટરની સાથે સાથે પૂર્વ વિધાનસભા બેઠકના ધારાસભ્ય પણ છે. પોતાના આવા વર્તનને કારણે તેઓ ફરી એકવાર વિવાદમાં આવ્યા છે. હાલ કોરોનાને પગલે લોકડાઉનને કારણે ફસાયેલા લોકો માટે અરવિંદ રૈયાણી 3 રાહતના રસોડા પોતાના વિસ્તારમાં ચલાવે છે. ત્યારે પોતાના રાહતના રસોડામાં કામ દરમિયાન જ તેઓ માવો ખાઇને થૂંકયા હતા. તેમની આવી હરકતનો વીડિયો કેમેરામાં કેદ થયો હતો અને વાયરલ થતા લોકોએ તેમના પર ફિટકાર વરસાવી હતી. ધારાસભ્ય અરવિંદ રૈયાણીને જાહેરમાં થૂંકવા બદલ મહાનગરપાલિકા દ્વારા 500 રૂપિયાનો દંડ ફટકારવામાં આવ્યો હતો. જેની પહોંચ પણ અરવિંદ રૈયાણીએ મીડિયાને બતાવી હતી.

ઉલ્લેખનીય છે કે, હાલ કોરોના વાયરસનું સંક્રમણ ન ફેલાય તે માટે તંત્ર અને નાગરિકો દ્વારા અનેક પ્રયાસો કરવામાં આવી રહ્યાં છે. જાહેરમાં થૂકવાથી કોરોનાનું સંક્રમણ ફેલાઈ શકે છે. આવામાં જો સામાન્ય લોકો સામે આવુ વર્તન કરે તો મનપા તેમની સામે કડક કાર્યવાહી કરે છે. ત્યારે જોવુ એ રહ્યું કે હવે ભાજપના આ ધારાસભ્ય સામે શું કાર્યવાહી થાય છે.

આ સમાચાર ને શેર કરવા અહીં ક્લિક કરો

LEAVE A REPLY

Please enter your comment!
Please enter your name here

*

code