રિપોર્ટ@દેશ: જેપી નડ્ડાને મોદી સરકારે આપી મોટી જવાબદારી, ગૃહના નેતા બનાવાયા

અટલ સમાચાર ડોટ કોમ, ડેસ્ક

18મી લોકસભાના પ્રથમ સંસદ સત્રમાં આજે સાંસદોએ શપથ લીધા છે. આ દરમિયાન કેન્દ્રીય સ્વાસ્થ્ય મંત્રી જેપી નડ્ડાને રાજ્યસભામાં ગૃહના નેતા બનાવવામાં આવ્યા છે. 18મી લોકસભાના પ્રથમ સત્રની પ્રથમ બેઠકમાં વડાપ્રધાન નરેન્દ્ર મોદી, તેમના મંત્રી પરિષદના સભ્યો તેમજ અન્ય નવા ચૂંટાયેલા સભ્યોએ ગૃહના સભ્યો તરીકે શપથ લીધા હતા. કાર્યકારી સ્પીકર ભર્તૃહરિ મહતાબે ગૃહની કાર્યવાહી શરૂ કરીને સભ્યોને શપથ લેવડાવ્યા હતા. તાજેતરમાં પૂર્ણ થયેલી લોકસભા ચૂંટણી બાદ વડાપ્રધાન મોદી સતત ત્રીજી વખત સત્તામાં પરત ફર્યા છે.

PM મોદી અને તેમના મંત્રીમંડળે 9 જૂને શપથ લીધા હતા. વડાપ્રધાન મોદી ત્રીજી વખત વારાણસી લોકસભા સીટ પરથી ચૂંટાયા છે. કાર્યવાહી શરૂ થતાં જ નરેન્દ્ર મોદીએ ગૃહના નેતા તરીકે સૌપ્રથમ શપથ લીધા હતા. શાસક પક્ષના સભ્યોએ 'મોદી મોદી' અને 'જય શ્રી રામ'ના નારા લગાવ્યા હતા. જ્યારે વડા પ્રધાન શપથ લઈ રહ્યા હતા, ત્યારે કોંગ્રેસના નેતા રાહુલ ગાંધી સહિત વિપક્ષના સભ્યો બંધારણની નકલો લઈને પોતપોતાની જગ્યાએ ઊભા થઈ ગયા હતા.

ગૃહમંત્રી અમિત શાહ શપથ લેવા આવ્યા ત્યારે પણ વિપક્ષના સભ્યોએ હાથમાં બંધારણની નકલ પકડી રાખી હતી. ગૃહની કાર્યવાહી શરૂ થાય તે પહેલાં, મહતાબે રાષ્ટ્રપતિ ભવનમાં ગૃહના સભ્ય અને કાર્યકારી અધ્યક્ષ તરીકે શપથ લીધા હતા. રાષ્ટ્રપતિ દ્રૌપદી મુર્મુએ તેમને શપથ લેવડાવ્યા હતા. વડા પ્રધાન મોદી પછી, ભારતીય જનતા પાર્ટી લ્ના વરિષ્ઠ સભ્યો રાધા મોહન સિંહ અને ફગ્ગન સિંહ કુલસ્તેએ સભ્યો તરીકે શપથ લીધા હતા. બંને સભ્યો આગામી બે દિવસ સુધી ગૃહની કાર્યવાહી ચલાવવામાં કાર્યકારી અધ્યક્ષ મહતાબને મદદ કરશે.સિંહ અને કુલસ્તેની સાથે કોંગ્રેસના સભ્યો કે સુરેશ, ડીએમકેના ટીઆર બાલુ અને તૃણમૂલ કોંગ્રેસના સુદીપ બંદોપાધ્યાયને પણ અધ્યક્ષની પેનલમાં પસંદ કરવામાં આવ્યા છે.