રીપોર્ટ@દેશ: વડાપ્રધાન સાથે CM ભૂપેન્દ્ર પટેલની મુલાકાત બાદ નવા-જૂનીના એંધાણ, જાણો વિગતવાર

અટલ સમાચાર ડોટ કોમ, ડેસ્ક

ગુજરાતના મુખ્યમંત્રી ભૂપેન્દ્ર પટેલે રાજ્યના સર્વાંગી વિકાસ અંગે માર્ગદર્શન મેળવવા માટે નવી દિલ્હીમાં પ્રધાનમંત્રી મોદીની સૌજન્ય મુલાકાત લીધી હતી. આ દરમિયાન રાજ્યના મુખ્યમંત્રીની પાસે એક ફાઈલ પણ હતી. લાગે છે રાજ્યના મંત્રી મંડળમાં ફેરફાર થવાના છે. કંઈક નવા જૂની થવાની લાગે છે. આજે નવી દિલ્હી ખાતે વડાપ્રધાન નરેન્દ્ર મોદી સાથે રાજ્યના મુખ્યમંત્રી ભૂપેન્દ્રભાઈ પટેલે મુલાકાત કરી હતી.

જે બાદ તેમણે પોતાના એક્સ હેન્ડલ પરથી આ મુલાકાતની તસવીરો શેર કરી હતી. ત્યાં જ તેમણે આ પોસ્ટના કેપ્શનમાં લખ્યું હતું કે, 'આજે નવી દિલ્હી ખાતે ભારતના યશસ્વી વડાપ્રધાન નરેન્દ્ર મોદી જી સાથે મુલાકાત કરી. ગુજરાતના સર્વાંગીણ વિકાસને સ્પર્શતા વિવિધ મુદ્દાઓ અંગે તેમની સાથે ચર્ચા કરી અને સરકારની કલ્યાણકારી યોજનાઓના લાભ પ્રત્યેક લાભાર્થી સુધી વધુ અસરકારક રીતે પહોંચાડવા અંગે તેઓનું બહુમૂલ્ય માર્ગદર્શન પ્રાપ્ત કર્યું. અમેરિકાના ઉપરાષ્ટ્રપતિ જેડી વાન્સ, સેકન્ડ લેડી ઉષા વાન્સ બે દિવસ માટે ભારત પ્રવાસે છે. ઉપરાષ્ટ્રપતિ જેડી વાન્સ ભારતની તેમની પ્રથમ સત્તાવાર મુલાકાતે છે અને આજે તેઓ વડા પ્રધાન મોદીને મળશે.