રિપોર્ટ@દેશ: દેશમાં વર્લ્ડ હેરિટેજ કમિટિની પહેલીવાર બેઠક, વડાપ્રધાન મોદી કરશે ઉદ્ઘાટન

અટલ સમાચાર ડોટ કોમ, ડેસ્ક

દેશમાં  પ્રથમ વખત આંતરરાષ્ટ્રીય સ્તરે વિશ્વ ધરોહર સમિતિના સત્રનું આયોજન કરવામાં આવી રહ્યું છે. આ બેઠકમાં 150 થી વધુ દેશોના 2000 થી વધુ રાષ્ટ્રીય અને આંતરરાષ્ટ્રીય સ્તરના પ્રતિનિધિઓ ભાગ લેશે. યુનાઈટેડ નેશન્સ એજ્યુકેશનલ સાયન્ટિફિક એન્ડ કલ્ચરલ ઓર્ગેનાઈઝેશનની 46મી વર્લ્ડ હેરિટેજ કમિટીની બેઠક પ્રથમ વખત દેશમાં યોજાઈ રહી છે. 21 થી 31 જુલાઈ 2024 દરમિયાન દિલ્હીના ભારત મંડપમ ખાતે યોજાનારી આ બેઠકની યજમાની માટે દેશ સંપૂર્ણ રીતે તૈયાર છે.

G-20 શિખર સંમેલન પછી પ્રથમ વખત દેશમાં આંતરરાષ્ટ્રીય સ્તરે વિશ્વ ધરોહર સમિતિના સત્રનું આયોજન કરવામાં આવી રહ્યું છે. આ બેઠકમાં 150 થી વધુ દેશોના 2000 થી વધુ રાષ્ટ્રીય અને આંતરરાષ્ટ્રીય સ્તરના પ્રતિનિધિઓ ભાગ લેશે.વડાપ્રધાન નરેન્દ્ર મોદી આજે કેન્દ્રીય સંસ્કૃતિ મંત્રી જી કિશન રેડ્ડીની હાજરીમાં આ કાર્યક્રમનું ઉદ્ઘાટન કરશે. નવી દિલ્હીમાં ભારત મંડપમ ખાતે આયોજિત આયોજિત કાર્યક્રમમાં યુનેસ્કોના મહાનિર્દેશક ઓડ્રે અઝોલે અને વિવિધ દેશોના સંસ્કૃતિ મંત્રીઓ, રાજદૂતો અને ડોમેન નિષ્ણાતો પણ ભાગ લેશે.

કેન્દ્રીય સંસ્કૃતિ મંત્રાલય યુનેસ્કોના સહયોગથી આ કાર્યક્રમનું આયોજન કરી રહ્યું છે.વર્લ્ડ હેરિટેજ કમિટીની બેઠક વર્ષમાં માત્ર એક જ વાર મળે છે. તે વર્લ્ડ હેરિટેજને લગતી તમામ બાબતોનું સંચાલન કરે છે અને વર્લ્ડ હેરિટેજ લિસ્ટમાં સમાવેશ કરવા અંગે નિર્ણયો લે છે. આ મીટિંગ દરમિયાન, 124 હાલની વર્લ્ડ હેરિટેજ પ્રોપર્ટીઝના સંરક્ષણ અહેવાલોની સ્થિતિ, આંતરરાષ્ટ્રીય સહાય અને વર્લ્ડ હેરિટેજ ફંડ્સનો ઉપયોગ અને વર્લ્ડ હેરિટેજ સૂચિમાં નવી સાઇટ્સ નામાંકિત કરવા માટેની દરખાસ્તો વગેરે પર ચર્ચા કરવામાં આવશે. વર્લ્ડ હેરિટેજ કમિટીની બેઠકમાં 150થી વધુ દેશોના પ્રતિનિધિઓ ભાગ લેશે.