રિપોર્ટ@ગુજરાત: શંકરસિંહ વાઘેલાની રાજકારણમાં ફરી એન્ટ્રી, 22 ડિસેમ્બરે કરશે નવી પાર્ટીની જાહેરાત

અટલ સમાચાર ડોટ કોમ, ડેસ્ક

ગુજરાતના રાજકારણમાં ફરીથી ચર્ચાના કેન્દ્રમાં આવેલા પૂર્વ મુખ્યમંત્રી શંકરસિંહ વાઘેલા, જેઓ 'બાપુ' તરીકે જાણીતા છે, એક નવા રાજકીય પક્ષ સાથે મેદાનમાં પ્રવેશ કરવા જઈ રહ્યા છે. તેઓ આગામી 22 ડિસેમ્બરે સમર્થકો સાથે નવી પાર્ટીની જાહેરાત કરશે. આ નવી પાર્ટીનું નામ ‘પ્રજા શક્તિ ડેમોક્રેટિક’ રાખવામાં આવ્યું છે, જેનાથી લોકોમાં નવી રાજકીય તકોની આશા ઉભી થઈ રહી છે.

તેમણે તેમના રાજકીય જીવનમાં અનેક મહત્વના વળાંક જોયા છે. ગુજરાતના રાજકારણમાં એક આગવી ઓળખ ધરાવતા વાઘેલા હવે નવી શરૂઆત કરવા માંગે છે. તેઓએ સ્પષ્ટ કર્યું છે કે નવા પક્ષના ઘડતર માટે તેઓ પોતાના જૂના સમર્થકો સાથે જોડાયા છે. 22 ડિસેમ્બરે બાપુ નવા પક્ષની જાહેરાત કરશે અને આ પાર્ટી તેમના માર્ગદર્શન હેઠળ આગળ વધશે. ખાસ કરીને, શંકરસિંહ વાઘેલા પાર્ટીમાં સીધો કોઈ હોદ્દો નહીં રાખે, પરંતુ માર્ગદર્શકની ભૂમિકા ભજવશે.આ નવી પાર્ટીનું નામ ‘પ્રજા શક્તિ ડેમોક્રેટિક’ નક્કી કરાયું છે.

બાપુના સમર્થકો માટે આ મોટી ઘોષણા છે, કારણ કે એ લોકોએ લાંબા સમયથી તેમને ફરી રાજકારણમાં જોવા માટે રાહ જોઈ હતી. નવેસરથી આ પક્ષનું ઘડતર કરી શંકરસિંહ વાઘેલા ગુજરાતના રાજકીય પાટાગઢમાં પ્રભાવશાળી રૂપે ફરી પ્રવેશ કરવાની તૈયારીમાં છે. આ અગાઉ દશેરા 2024ના સમયગાળા દરમિયાન નવા પક્ષની રચનાની વાતો સામે આવી હતી, પરંતુ ત્યારે કોઈ સત્તાવાર જાહેરાત ન થઈ. હવે 22 ડિસેમ્બરે આ નવી પાર્ટી પ્રોજેક્ટ થઈ શકશે. એક પૂર્વ મુખ્યમંત્રી અને ચિંતનશીલ રાજકીય નેતા તરીકે તેમના સમર્થકોની ભૂમિકા મહત્વની રહી છે. આ નવી પાર્ટી રાજ્યના રાજકારણમાં શું ફેરફાર લાવશે અને કઈ રીતે તે મુખ્ય ધારા સાથે ટકરાવશે તે જોવું રસપ્રદ રહેશે.