રીપોર્ટ@દેશ: PM મોદીએ લાલ કિલ્લાની પ્રાચીર પરથી ત્રિરંગો ફરકાવ્યો, 103 મિનિટ લાંબુ ભાષણ આપ્યું

અટલ સમાચાર ડોટ કોમ, ડેસ્ક

આજે વડાપ્રધાન મોદીએ લાલ કિલ્લાની પ્રાચીર પરથી સતત 12મી વખત ત્રિરંગો ફરકાવ્યો હતો. ત્યારબાદ તેમણે દેશભરના લોકોને સંબોધન કર્યું હતું. વડાપ્રધાન મોદીએ 79 સ્વાતંત્ર્ય દિવસ પર લાલ કિલ્લા પરથી 103 મિનિટ લાંબુ ભાષણ આપ્યું હતું. જેમાં તેમણે દેશના આર્થિક વિકાસ, ઓપરેશન સિંદૂર, ભારતની સૈન્યુ સુરક્ષા તેમજ જીએસટી અને યુવા રોજગાર જેવા મુદ્દા પર મહત્ત્વની જાહેરાતો કરી હતી. 2024માં તેમણે લાલ કિલ્લા પરથી 98 મિનિટ લાંબુ ભાષણ આપ્યું હતું.

વડાપ્રધાન મોદીએ કહ્યું કે, દેશ સુદર્શન ચક્ર મિશન શરૂ કરવા જઈ રહ્યો છે. આ સુદર્શન ચક્ર એક શક્તિશાળી શસ્ત્ર પ્રણાલી હશે, જે ફક્ત દુશ્મનના હુમલાને જ નહીં, પણ દુશ્મન પર અનેક ગણો વળતો પ્રહાર પણ કરશે. અમે આગામી દસ વર્ષમાં સુદર્શન ચક્ર મિશનને પ્રખરતાથી આગળ લઈ જઈશું. આ હેઠળ, 2035 સુધીમાં દેશના તમામ મહત્ત્વપૂર્ણ સ્થળોને આ રાષ્ટ્રીય સુરક્ષા કવચથી આવરી લેવામાં આવશે. આ સુરક્ષા કવચનો વિસ્તાર થતો રહેશે. દેશના દરેક નાગરિકે સુરક્ષિત અનુભવ કરી શકશે. આ માટે, હું 2035 સુધીમાં આ રાષ્ટ્રીય સુરક્ષા કવચનો વિસ્તાર કરવા માંગુ છું, તેથી શ્રી કૃષ્ણ પાસેથી પ્રેરણા લઈને, અમે સુદર્શન ચક્રનો માર્ગ પસંદ કર્યો છે.પીએમ મોદીએ કહ્યું કે અમે આગામી પેઢીના સુધારા માટે એક ટાસ્ક ફોર્સ બનાવવાનું નક્કી કર્યું છે. હવે અમારો ઉદ્દેશ્ય તમામ પ્રકારના સુધારા લાવવાનો છે. સમયની માંગ છે કે GST દરોની સમીક્ષા કરવામાં આવે. અમે નવી પેઢીના GST સુધારા લાવી રહ્યા છીએ. 

PM મોદીએ કહ્યું કે, લોકો મુદ્રા યોજનામાંથી લોન લઈને વ્યવસાય કરી રહ્યા છે. સરકારી નિયમો બદલવા પડશે. 2047 દૂર નથી, દરેક ક્ષણ કિંમતી છે અને આપણે એક પણ ક્ષણ ગુમાવવા માંગતા નથી. આ આગળ વધવાની તક છે. મોટા સપના જોવાની તક. સંકલ્પ પ્રત્યે સમર્પિત થવાની તક અને જ્યારે સરકાર અને હું પોતે તમારી સાથે હોઈશું, ત્યારે આપણે નવો ઈતિહાસ રચી શકીએ છીએ. દુનિયા આપણી MSMEની તાકાતને સ્વીકારે છે. સ્વતંત્રતા દિવસ નિમિત્તે વડાપ્રધાન મોદીએ કહ્યું કે, ટેકનોલોજીના કારણે કેટલાક દેશો ટોચ પર પહોંચ્યા છે.

આપણે સમુદ્ર મંથન તરફ આગળ વધી રહ્યા છીએ. નેશનલ ડીપ વૉટ મિશન જલ્દી શરૂ થશે. દરિયામાં ગેસ અને તેલના ભંડાર છુપાયેલા છે. આપણે ઓપરેશન ગગનયાન માટે તૈયારી કરી રહ્યા છીએ. અંતરિક્ષ ક્ષેત્રમાં ઝડપથી કામ ચાલી રહ્યું છે. આપણે ત્યાં પણ આપણું પોતાનું સ્પેસ સ્ટેશન બનાવીશું. લાલ કિલ્લાના પરથી દેશના યુવાનો, ઇજનેરો અને વ્યાવસાયિકોને અપીલ કરું છું કે શું આપણે આપણું પોતાનું મેડ ઇન ઈન્ડિયા ફાઇટર જેટ એન્જિન ન મેળવી શકીએ?

આજે ઓપરેશન સિંદૂરના 100 દિવસ પૂર્ણ થયા છે. આવી સ્થિતિમાં, પીએમ મોદી દેશને સંબોધનમાં તેમના કાર્યકાળ દરમિયાન ઓપરેશન સિંદૂર, રાષ્ટ્રીય સુરક્ષા, આર્થિક વિકાસ અને કલ્યાણકારી યોજનાઓના વિસ્તરણ પર ભાર મૂકી શકે છે. પીએમ મોદી લાલ કિલ્લાના પ્રાચીર પરથી સૌથી લાંબુ ભાષણ આપવાનો રેકોર્ડ પણ ધરાવે છે. તેમણે 2024 ના સ્વતંત્રતા દિવસ નિમિત્તે 98 મિનિટનું ભાષણ આપ્યું હતું.

સ્વતંત્રતા દિવસને ધ્યાનમાં રાખીને, લાલ કિલ્લા અને આસપાસના વિસ્તારોમાં સુરક્ષા કડક કરવામાં આવી છે. કુલ 11000 થી વધુ સુરક્ષા કર્મચારીઓ અને 3000 ટ્રાફિક પોલીસકર્મીઓ તૈનાત છે. ઊંચી ઇમારતો પર સ્નાઈપર્સ રાખવામાં આવ્યા છે અને તેમની દેખરેખ રાખવામાં આવી રહી છે. સુરક્ષા માટે ઘણી આધુનિક ટેક્નોલોજીનો ઉપયોગ કરવામાં આવી રહ્યો છે.