સાબરકાંઠાઃખાનગી સ્કુલોને હંફાવતી ઇડરની એક પ્રાથમિક શાળા
અટલ સમાચાર, સાબરકાંઠા
ઈડર તાલુકાના કેસરપુરા ગામની અદ્યતન સુવિધાઓ વાળી પ્રાથમિક શાળા કે જ્યા એંક બાળ અભ્યારણ બનાવવામાં આવ્યુ છે. અહીં બાળકોની મરજી પ્રમાણે વિવિધ શૈક્ષણિક પ્રવુતિઓ થાય છે. આ શાળામાં 1થી 8 ધોરણમાં 15 શિક્ષકો ફરજ બજાવી રહ્યા છે.
કોઈ બાળક શાળામાં પુસ્તક લાવવાનુ ભુલી ગયો હોય તો શાળાની તમામ દિવાલો પર વિવિધ સુત્રો, ગણિત- વિજ્ઞાન, અંગ્રેજી, ગુજરાતી અને સંસ્કૃતનું વ્યાકરણ તો આ ઉપરાંત દીમાગ કી બત્તી જલાઓ પણ લખેલ છે. જેને લઈને બાળકો પુસ્તક વગર જ અભ્યાસ પણ કરે છે. તો એક બાળ બેંક પણ છે જેમાં બાળકોએ 1 લાખથી વધુ રકમ જમા કરી છે.
આ શાળાની શિક્ષીકાઓ અને શિક્ષકો તમામ બાળકોને પોતાના બાળકની જેમ જ સાચવે છે. બાળકીઓને લગતી તમામ સમસ્યાઓ અંગે તેમના વાલીઓને પણ જાણ કરે છે તો સેનેટરી પેડ પણ અહીથી જ સસ્તા દરે અપાય છે. કુપોષિત બાળકોની પણ નોધ કરવામાં આવે છે. બાળકોના વાલીઓને પણ જાણ કરવામાં આવે છે કે તેમના બાળકો કુપોષિત છે. શિક્ષકો અને વાલીએ પણ બાળકો જાતેજ પોતાની કાળજી લઈને પૌષ્ટિક આહાર આપી તંદુસ્ત બનાવે છે.