સ્પેશ્યલ@ગુજરાત: આ છે દેશની સૌથી મોંઘી રાખડી, જાણો આ રાખડીની વિશેષતાઓ એક જ ક્લિકે

અટલ સમાચાર ડોટ કોમ, ડેસ્ક

સનાતન ધર્મમાં ભાઈ બહેનનાં અતુટ પ્રેમનાં સંખ્યાબંધ કિસ્સાઓનો ઉલ્લેખ જોવા મળ્યો છે. આ ભાઈ બહેનનાં અતુટ બંધનનો તહેવાર એટલે ‘રક્ષાબંધન’. રક્ષાબંધનના દિવસે બહેન પોતાના ભાઈના કાંડા પર રાખડી બાંધે છે અને ભાઈ પાસેથી રક્ષણનું વચન લે છે, પછી બદલામાં ભાઈ વચન આપીને કઇંક ભેટ આપે છે. રક્ષાબંધનના તહેવારને ધ્યાનમાં રાખીને દેશની સૌથી મોંઘી રાખડી ગુજરાતના સુરતમાં તૈયાર કરવામાં આવી છે, જેની કિંમત 5 લાખ રૂપિયા છે.

અટલ સમાચાર આપના મોબાઇલમાં મેળવવા અહિં ક્લિક કરો

રાખડીની કિંમત સાંભળીને તમે ચોંકી ગયા હશો પણ તે સાચું છે. જોકે રક્ષાબંધનના તહેવાર પર બહેનો પોતાના ભાઈઓના કાંડા પર રેશમી દોરાથી બનેલી રાખડીઓ બાંધતી હતી. તમે તસવીરોમાં પણ જોઈ શકો છો કે સુરતના એક જ્વેલર્સ શોરૂમમાં સોના, ચાંદી અને પ્લેટિનમથી વિવિધ પ્રકારની રાખડીઓ તૈયાર કરવામાં આવી છે. આ શોરૂમમાં રક્ષાબંધનના તહેવાર માટે રૂ. 350 થી 5 લાખ રૂપિયા સુધીની રાખડીઓ તૈયાર કરવામાં આવી છે. જ્વેલર્સ દીપક ભાઈ ચોકસી કહે છે કે તેમના દ્વારા તૈયાર કરેલી રાખડીઓ રક્ષાબંધન પછી ઘરેણા તરીકે પણ પહેરી શકાય છે.

સુરતના ડી ખુશાલદાસ નામના જ્વેલર્સના માલિક દીપક ચોકસી દ્વારા જ્વેલરીમાં વિવિધ પ્રકારની રાખડીઓ તૈયાર કરવામાં આવી છે, જેમાં સૌથી મોંઘી અને આકર્ષણનું કેન્દ્ર રૂ. 5 લાખની આ રાખડી છે. જોકે, આ રાખડી ગ્રાહક બહેનની માંગણી પર જ્વેલરે તૈયાર કરી છે. જેને કદાચ દેશની સૌથી મોંઘી રાખી કહી શકાય. આ રાખડી સોના અને હીરામાંથી બનાવવામાં આવી છે. આ રાખડીમાં દોરાને બદલે સોનાનું બંગડી અને હીરાનું પેન્ડન્ટ છે. રક્ષાબંધન પછી, પુરુષો હાથમાં બ્રેસલેટ અને ગળામાં સોનાની ચેઇનમાં હીરાનું લોકેટ પહેરી શકે છે અથવા ભાઈને આપવામાં આવેલી આ મોંઘી રાખડી તેની પત્ની પણ પહેરી શકે છે.