સ્પોર્ટ્સ@દેશ: એશિયન ગેમ્સ 2026માં સુચિકા તરિયાલે ભારત માટે રચ્યો નવો ઈતિહાસ

અટલ સમાચાર ડોટ કોમ, ડેસ્ક

આઈચી-નાગોયા એશિયન ગેમ્સ 2026માં ભારત માટે એક ઐતિહાસિક પળ આવી છે. ભારતીય મિક્સ્ડ માર્શલ આર્ટ્સ ફાઇટર સુચિકા તરિયાલે મહિલાઓની સ્પર્ધામાં શાનદાર પ્રદર્શન કરીને બ્રોન્ઝ મેડલ જીત્યો છે. સુચિકાએ એશિયન ગેમ્સમાં MMAમાં મેડલ જીતનારી પ્રથમ ભારતીય બનીને ઈતિહાસ રચ્યો છે.એશિયન ગેમ્સ 2026માં MMA ને પહેલીવાર સામેલ કરવામાં આવ્યું છે.આ નવી રમતની શરૂઆતમાં જ સુચિકા તરિયાલે મેડલ જીતીને ભારતનું નામ રોશન કર્યું છે. આ મેડલ શૂટિંગ સિવાયની રમતમાં ભારતનો પહેલો મેડલ છે, જે તેની સફળતાને વધુ મહત્વપૂર્ણ બનાવે છે.

સુચિકાનો બ્રોન્ઝ મેડલ એશિયન ગેમ્સ 2026 માં ભારતનો ચોથો મેડલ છે. અગાઉ, ભારતીય શૂટરોએ શૂટિંગમાં ત્રણ સિલ્વર મેડલ જીત્યા હતા. હવે, MMA માં પણ ભારતને મેડલ મળતા, દેશના મેડલ ટેલીમાં વધારો થયો છે.સુચિકા તરિયાલ ૩૬ વર્ષીય ખેલાડી છે જે ઉત્તર પ્રદેશના બુઢાના શહેરની છે. તેણીએ પોતાની રમત કારકિર્દી જુડોકા તરીકે શરૂ કરી હતી અને પછી જૂ-જુત્સુ અને પછી ૨૦૧૭ માં એમએમએમાં રૂપાંતરિત થઈ હતી. પોતાની કારકિર્દીની શરૂઆતમાં, તરિયાલે 20 થી વધુ આંતરરાષ્ટ્રીય સ્પર્ધાઓમાં ભાગ લીધો, અને આખરે આઠ વખત રાષ્ટ્રીય ચેમ્પિયન બની. તેણીએ 2018 કોમનવેલ્થ જુડો ચેમ્પિયનશિપમાં સિલ્વર મેડલ જીત્યો, અને તે જ વર્ષે 2019 કોમનવેલ્થ જુડો ચેમ્પિયનશિપ તેમજ દક્ષિણ એશિયન ગેમ્સમાં ગોલ્ડ જીત્યો. તે વિશ્વ જુ-જુત્સુ ચેમ્પિયન તેમજ એશિયન જુ-જુત્સુ ચેમ્પિયન પણ છે.સુચિકા તરિયાલની આ સફળતા માત્ર તેના માટે જ નહીં, પણ સમગ્ર ભારત માટે ગર્વની વાત છે. MMA જેવી નવી અને પડકારજનક રમતમાં તેણે દેશનું પ્રતિનિધિત્વ કરીને મેડલ જીત્યો છે. આ જીત આગામી પેઢીના MMA ફાઇટરો માટે પ્રેરણારૂપ બનશે.

સુચિકાના આ મેડલ સાથે, ભારતને MMAમાં વધુ મેડલ જીતવાની આશા જાગી છે. ભારતીય ખેલાડીઓ અન્ય રમતોમાં પણ સારું પ્રદર્શન કરી રહ્યા છે, જે આગામી સ્પર્ધાઓ માટે સારા સંકેતો આપે છે. એશિયન ગેમ્સમાં પહેલા દિવસથી જ ભારતના રમતવીરો શાનદાર પ્રદર્શન કરી રહ્યા છે. પહેલા દિવસે ભારતીય ખેલાડીઓએ ટેકબોલ, એમએમએ, શૂટિંગ, ક્રિકેટ, ટેબલ ટેનિસ, બેડમિન્ટન, હોકી, સ્વિમિંગ અને વુશુમાં ભાગ લીધો હતો. જેમાં ભારતે ટેકબોલમાં બે બ્રોન્ઝ મેડલ મેચ જીતી હતી પરંતુ મેડલ મેળવવામાં નિરાશા મળી.