અટલ સમાચાર, સુઈગામ (દશરથ ઠાકોર)
સુઇગામ તાલુકાના ઊચોસણ નવાપુરા રોડ પર એક ખેડૂતના ઝૂપડામાં આગ લાગતાં રોકડ રકમ, ઘરવખરીનો સામાન આગમાં બળીને સ્વાહા થઈ જતા ગરીબ પરિવાર નોંધારો બની ગયો છે.
મળતી માહિતી અનુસાર ઊચોસણના નવાપુરા રોડ પર ખેતરોમાં ઘાસના બનાવાયેલ ઝૂંપડામાં આકસ્મિક આગ લાગતાં ઘરવખરીનો સામાન બળી ગયો હતો. ઊચોસણના દેવરામજી વસરામજી ઠાકોર પરિવાર સાથે ખેતરમાં ઝૂંપડું બનાવી વસવાટ કરે છે.
જેમાંબપોરના સમયે ઝૂંપડામાં રહેલ સોલાર બેટરીમાં શોર્ટ સર્કિટ થતાં આકસ્મિક રીતે લાગેલી આગમાં ઘાસનું ઝૂંપડું ભડભડ સળગવા લાગતાં રહીશોમાં દોડધામ મચી ગઇ હતી. લોકોએ પાણીનો મારો ચલાવી આગ પર કાબુ મેળવી વધુ નુકશાન થતું અટકાવ્યું હતું.
જોકે ઝૂંપડામાં રહેલ રોકડ રકમ, કપડાં વાસણ, દાગીના સહિત ઘરવખરીનો તમામ સામાન આગમાં બળીને ખાખ થઈ જતા ગરીબ ખેડૂત નોંધારો બની ગયો છે.
