થરા પાલિકાની પેટા ચુંટણીના ફોર્મ ભરાયાઃરાજકીય ગરમાવો

અટલ સમાચાર, ભગવાન રાયગોર

કાંકરેજ તાલુકાના થરા નગરપાલિકાની વોર્ડ નં.3ની પેટા ચૂંટણીના ફોર્મ ભરાવાના શરુ થયા હતા. જેમાં ભારતીય જનતા પાર્ટીના ઉમેદવારે આજે ફોર્મ ભરી જીતનો આશાવાદ સેવ્યો હતો.

કાંકરેજ તાલુકાના થરા નગરપાલિકાની પેટા ચૂંટણી વોર્ડ નંબર 3માં ભાજપના ઉમેદવાર પુથ્વીરાજસિંહ વાઘેલાએ ઉમેદવારી નોંધાવી હતી. તેઓ પોતાના ટેકેદારો સાથે મામલતદાર કચેરીમાં ઉમેદવારી પત્ર રજૂ કર્યું હતું. જ્યાં ભારતીય જનતા પાર્ટીના આગેવાનો અને કાર્યકરો હાજર રહી જીતની આશા સેવી હતી.

ઉલ્લેખનીય છે કે થોડા સમય પહેલા કોંગ્રેસના બે સભ્યો ભાજપમાં ભળી ગયા હતા જેથી કોંગ્રેસ પાસેથી સત્તા આંચકી લેવામાં આવી હતી. ત્યારે થરા નગરપાલિકાના વોર્ડ નંબર 3ની પેટા ચૂંટણી યોજાતા રાજકીય ગરમાવો જોવા મળ્યો હતો. જોકે વોર્ડ ત્રણની ચુંટણી બિનહરીફ થવાના એંધાણ વર્તાઈ રહ્યા છે.