વેપાર@દેશ: સોનું સસ્તું થયું, ચાંદીના ભાવમાં પણ ઘટાડો, જાણો આજના ભાવ

​​​​​અટલ સમાચાર ડોટ કોમ, ડેસ્ક

વૈશ્વિક બજારોના સથવારે અમદાવાદમાં આજે સોનું રૂ. 1500 સસ્તું થયું છે. જ્યારે ચાંદી રૂ. 500 સસ્તી થઈ છે. એમસીએક્સ સોના-ચાંદીમાં પણ ઘટાડો નોંધાયો હતો. અમદાવાદમાં સોનું (24 કેરેટ) આજે રૂ. 1500 ઘટી રૂ. 95500 પ્રતિ 10 ગ્રામ થયુ હતું. જે તેની રૅકોર્ડ ટોચ રૂ. 1,01,500 પ્રતિ 10 ગ્રામ સામે 25 દિવસમાં રૂ. 6000 સસ્તુ થયું છે. ચાંદીનો ભાવ આજે રૂ. 500ના ઘટાડા સાથે રૂ. 95500 પ્રતિ કિગ્રા થયો હતો.

22 કેરેટ સોનાનો ભાવ આજે રૂ. 95200 પ્રતિ 10 ગ્રામ નોંધાયો હતો. જે ગઈકાલે રૂ. 96700 પ્રતિ 10 ગ્રામ હતો.અમેરિકા અને ચીન વચ્ચે ટ્રેડ ડીલ થયા બાદ ભારત અને અમેરિકા વચ્ચે પણ સફળ વેપાર મંત્રણા ચાલી રહી હોવાના અહેવાલો મળ્યા છે. સ્થાનિક સ્તરે પણ મજબૂત અર્થવ્યવસ્થાના સંકેતોએ કિંમતી ધાતુમાં આકર્ષણ ઘટાડ્યું છે. વધુમાં સ્થાનિક બજારોમાં લગ્નસરા અને તહેવારોની સીઝન ન હોવાના કારણે પણ સોના-ચાંદીમાં ઘરાકી ઘટી છે. પરિણામે છેલ્લા કેટલાક મહિનાથી સોના-ચાંદીમાં નોંધાયેલી રૅકોર્ડ તેજી બાદ કરેક્શન જોવા મળ્યું છે.