વેપાર@દેશ: ચાંદીમાં રેકોર્ડબ્રેક તેજી, સોનાના ભાવમાં પણ ₹1400થી વધુનો ઉછાળો

અટલ સમાચાર ડોટ કોમ, ડેસ્ક

દેશમાં ચાંદીના ભાવે અત્યાર સુધીના તમામ રેકોર્ડ તોડીને નવી ઓલ-ટાઇમ હાઈ સપાટી હાંસલ કરી છે. ચાંદીના ભાવમાં આવેલા તોતિંગ ઉછાળાને કારણે તે ₹2.14 લાખ પ્રતિ કિલોગ્રામને પાર કરી ગયું છે. ચાંદીની સાથે સોનામાં પણ જોરદાર તેજી જોવા મળી રહી છે, જેનાથી રોકાણકારોમાં ખુશીનો માહોલ છે. આજના લેટેસ્ટ આંકડા મુજબ, MCX પર ચાંદીના માર્ચ 2026ના વાયદાના ભાવમાં ₹6,061 નો જંગી ઉછાળો નોંધાયો હતો, જે 2.91%નો વધારો દર્શાવે છે.

આ ઐતિહાસિક તેજી સાથે ચાંદીનો ભાવ ₹2,14,500 પ્રતિ કિલોગ્રામની નવી રેકોર્ડ સપાટીએ પહોંચી ગયો હતો. ચાંદીની ચમક સાથે સોનામાં પણ રોકાણકારોને મોટો ફાયદો થયો છે. સોનાના ફેબ્રુઆરી 2026ના વાયદાના ભાવમાં ₹1,429 નો ઉછાળો જોવા મળ્યો હતો. આ 1.06%ના વધારા સાથે સોનાનો ભાવ ₹1,35,625 પ્રતિ 10 ગ્રામની ઊંચી સપાટીએ પહોંચી ગયો હતો.