દુર્ઘટના@બેરૂતઃ બોમ્બ બ્લાસ્ટથી અત્યારસુધીમાં 73ના મોત, 4000 લોકો ઘાયલ
અટલ સમાચાર, ડેસ્ક
લેબનાનની રાજધાની બેરૂતમાં મંગળવાર મોડી સાંજે દરિયાકાંઠે ઊભેલા જહાજમાં ભીષણ વિસ્ફોટ થયો. મળતી માહિતી મુજબ, આ જહાજ ફટાકડાઓથી ભરેલું હતું જેના કારણે એવો અનુભવ કરાયો કે આ સમજી-વિચારીને કરવામાં આવેલો બોમ્બ બ્લાસ્ટ છે. ધમાકો એટલો ભીષણ હતો કે 10 કિલોમીટરની ત્રિજ્યામાં આવેલા ઘરોને નુકસાન પહોંચ્યું છે.
અટલ સમાચાર આપના મોબાઇલમાં મેળવવા અહિં ક્લિક કરો
પ્રત્યક્ષદર્શીઓએ જણાવ્યું કે બ્લાસ્ટથી કાર ત્રણ માળ સુધી ઉછળી ગઈ અને પાસે આવેલી અનેક બિલ્ડિંગ્સ એક ક્ષણમાં ધરાશાયી થઈ ગઈ. લેબનાનના સ્વાસ્ય્ં મંત્રીએ કહ્યું કે અત્યાર સુધીમાં ઓછામાં ઓછા 73 લોકોનાં મોતની પુષ્ટિ થઈ છે અને લગભગ 4000 લોકો ઘાયલ થયા છે.
What looks like fireworks going off before the large explosion at the #Beirut port. #Lebanon pic.twitter.com/D3PlidjjNA
— Joe Truzman (@Jtruzmah) August 4, 2020
લેબનાનના વડાપ્રધાન હસન દિઆબે બુધવારે રાષ્ટ્રીય શોક દિવસની જાહેરાત કરી છે. અધિકારીઓનું કહેવું છે કે એક ગોડાઉનમાં ભારે વિસ્ફોટક સામગ્રી સ્ટોર હતો અને ત્યાંજ ધમાકો થયો. રાષ્ટ્રપતિ માઇકલ ઇયોને ટ્વિટ કરી કહ્યું છે કે આ બિલકુલ સ્વીકાર્ય નથી કે 2750 ટન વિસ્ફોટક નાઇટ્રેટ અસુરક્ષિત રીતે સ્ટોરમાં રાખવામાં આવ્યું હતું. બ્લાસ્ટ કેવી રીતે થયો તેની તપાસ હાલ ચાલી રહી છે. ઘટનાસ્થળેથી કંપાવી દેનારા વીડિયો સામે આવી રહ્યા છે જેમાં રસ્તા પર લોકોની લાશો વિખેરાયેલી જોવા મળી રહી છે. વડાપ્રધાન હસન દિઆબે તેને ભયાનક ગણાવ્યું કે અને કહ્યું છે કે જે પણ દોષી હશે તેને છોડવામાં નહીં આવે.