દુર્ઘટના@દેશ: સ્પીડમાં આવતી ઓટો મેટ્રો ક્રેન સાથે અથડાઈ, અકસ્માતમાં 7 લોકોના ઘટનાસ્થળે જ મોત
![દુર્ઘટના](https://atalsamachar.com/static/c1e/client/91782/uploaded/6336e81c811b074ea06ea957413001cb.jpg)
અકસ્માતનું કારણ હજુ સુધી બહાર આવ્યું નથી
અટલ સમાચાર ડોટ કોમ, ડેસ્ક
રાજધાની પટનામાં એક મોટો અકસ્માત થયો છે. જ્યારે એક સ્પીડમાં આવતી ઓટો મેટ્રો ક્રેન સાથે અથડાઈ હતી. જેમાં 7 લોકોના મોત થયા હતા. આ ઘટના નવા બાયપાસ વિસ્તારમાં રામલખાન પાથ પર બની હતી. મૃતકોમાં બાળકો અને મહિલાઓનો પણ સમાવેશ થાય છે. તમામ મૃતદેહોને પીએમસીએચ મોકલવામાં આવ્યા છે. આ દર્દનાક અકસ્માત સીસીટીવીમાં કેદ થયો છે.
ઘટનાને પગલે સ્થાનિક લોકોના ટોળા ઘટનાસ્થળે એકઠા થઈ ગયા હતા.રાહદારીઓ પણ મદદ માટે દોડી આવ્યા હતા. પરંતુ અકસ્માત એટલો ભયાનક હતો. કે 7 લોકો ઘટનાસ્થળે મૃત્યુ પામ્યા હતા. અકસ્માતનું કારણ હજુ સુધી બહાર આવ્યું નથી. આ અકસ્માત કોના વાંકે થયો હતો? મૃતકોમાં જે લોકોની ઓળખ થઈ છે. તેમાં ઉપેન્દ્ર કુમાર, લછમન દાસ, અભિનંદન કુમાર, ઈન્દ્રજીત કુમાર, પિંકી દેવી, નેહા પ્રિયદર્શી અને રાની કુમારી છે. મોતિહારીના રહેવાસી મુકેશ કુમાર સાહની ઘાયલ છે. મૃત્યુ પામેલાઓમાં પત્ની પિંકી દેવી, પુત્ર અભિનંદન અને પુત્રી રાની કુમારીનો સમાવેશ થાય છે.