દુર્ઘટના@કોલકાતા: પાંચ માળની ઇમારત ધરાશાયી થતા લોકો કાટમાળ નીચે દટાયા, 2 ના મોત

અટલ સમાચાર ડોટ કોમ, ડેસ્ક

કોલકાતામાં કાલે મોડી રાત્રે એક ઈમારત ધરાશાયી થયા બાદ ઘણા લોકો કાટમાળ નીચે દટાઈ ગયા હતા, જેમાંથી બેના મોત થયા હોવાના અહેવાલ છે. અધિકારીઓએ આજે જણાવ્યું કે, ગાર્ડન રીચ વિસ્તારમાં હજારી મુલ્લા બાગાનમાં સ્થિત પાંચ માળની ઈમારત મોડી રાત્રે ધરાશાયી થઈ ગઈ. આ પછી કાટમાળ નીચે લોકોના દટાઈ જવાના ભયને કારણે શોધ અને બચાવ કામગીરી હાથ ધરવામાં આવી હતી.હાલ કાટમાળમાંથી 13 લોકોને બહાર કાઢવામાં આવ્યા છે.

પશ્ચિમ બંગાળના સીએમ મમતા બેનર્જી પણ આ વિસ્તારમાં પહોંચી ગયા અને પરિસ્થિતિનો તાગ મેળવ્યો છે.પશ્ચિમ બંગાળના સીએમ મમતા બેનર્જી આ વિસ્તાર પર પહોંચ્યા અને કહ્યું - 'ગાર્ડન રીચ વિસ્તારમાં એક નિર્માણાધીન બિલ્ડીંગ પડી જવા અંગે જાણીને દુઃખ થયું.' પોલીસ અધિકારીએ જણાવ્યું કે, "રવિવારે મોડી રાત્રે ગાર્ડન રીચ વિસ્તારમાં એક નિર્માણાધીન ઈમારત ધરાશાયી થઈ હતી. અમે કાટમાળમાંથી કેટલાક લોકોને બહાર કાઢ્યા છે. બચાવકાર્ય હજુ પણ ચાલુ છે.સ્થાનિક લોકોના જણાવ્યા અનુસાર, બિલ્ડિંગ ધરાશાયી થતાં પહેલા કોંક્રીટના ટુકડા પડી ગયા હતા.

તેણે જણાવ્યું કે, જ્યારે ઈમારત પડી ત્યારે જોરદાર અવાજ આવ્યો અને સમગ્ર વિસ્તારમાં ધૂળના વાદળ છવાઈ ગયા. આ ગીચ વસ્તીવાળા વિસ્તારમાં ઇમારતનો કાટમાળ નજીકની ઝૂંપડપટ્ટીઓ પર પણ પડ્યો હતો.