હવામાન@ગુજરાત: આગામી દિવસોમાં ઠંડીનો ચમકારો વધશે,13.2 ડિગ્રી સાથે અમરેલી સૌથી ઠંડુ શહેર

અટલ સમાચાર ડોટ કોમ, ડેસ્ક

ગુજરાતમાં અત્યારે ઠંડી વધવા લાગી છે. રાજ્યનું લઘુતમ તાપમાન 13 ડિગ્રી નજીક પહોંચી ગયું છે. આગામી દિવસોમાં હજી પણ ઠંડીનો ચમકારો વધશે.ભારતીય હવામાન વિભાગે ચેતવણી જારી કરી છે પશ્ચિમ મધ્યપ્રદેશ, છત્તીસગઢ અને રાજસ્થાનમાં 15 નવેમ્બર સુધી ઠંડીનું મોજું ચાલુ રહી શકે છે. IMD દ્વારા જારી કરાયેલા નવીનતમ અપડેટ મુજબ, ઓડિશા, હિમાચલ પ્રદેશ, આસામ, હરિયાણા, ચંદીગઢ અને દિલ્હીમાં હળવાથી ગાઢ ધુમ્મસ છવાઈ જશે. 

ગુજરાતમાં ઠંડી ધીમે ધીમે વધવા લાગી છે. ઠંડીનો ચમકારો અનુભવાય છે. રાજ્યમાં ઠંડીનો પારો ગગડીને 13 ડિગ્રી નજીક પહોંચી ગયું છે. 13.2 ડિગ્રી લઘુતમ તાપમાન સાથે અમરેલી રાજ્યનું સૌથી ઠંડુ શહેર રહ્યું છે. મહુવામાં 14.5 ડિગ્રી લઘુતમ તાપમાન નોંધાયું છે. જ્યારે અમદાવાદમાં 15.5 ડિગ્રી રહ્યું હતું.

રાષ્ટ્રીય રાજધાનીમાં એર ક્વોલિટી ઇન્ડેક્સ (AQI) છેલ્લા કેટલાક દિવસોથી ચિંતાજનક રહ્યો છે. બુધવારે ફરી એકવાર ધુમ્મસના જાડા પડએ રાષ્ટ્રીય રાજધાનીના કેટલાક ભાગોને ઘેરી લીધા હતા. કેન્દ્રીય પ્રદૂષણ નિયંત્રણ બોર્ડના જણાવ્યા અનુસાર, AQI 400 થી ઉપર નોંધાયું છે. IMD અનુસાર, રાજધાનીમાં આવતીકાલે હળવું ધુમ્મસ અને સ્વચ્છ આકાશ રહેશે. જોકે, 15 નવેમ્બર સુધી હવામાનમાં કોઈ ખાસ ફેરફાર થવાની અપેક્ષા નથી.ઉત્તર પ્રદેશમાં હવામાન બદલાઈ રહ્યું છે. દિવસ દરમિયાન તેજસ્વી સૂર્યપ્રકાશને કારણે, હવામાન ખાસ ઠંડુ લાગતું નથી, પરંતુ રાત ચોક્કસપણે ઠંડી પડી રહી છે. કાનપુર શહેર અને ઇટાવામાં તાપમાન 10 ડિગ્રી સેલ્સિયસથી નીચે આવી ગયું છે.