હવામાન@ગુજરાત: રાજ્યમાં કાતિલ ઠંડી યથાવત, 10.8 ડિગ્રી સાથે નલિયા રાજ્યનું સૌથી ઠંડુ શહેર બન્યું

અટલ સમાચાર ડોટ કોમ, ડેસ્ક

ગુજરાતમાં પણ કાતિલ ઠંડી યથાવત રહી છે. રાજ્યમાં 10 ડિગ્રીની આસપાસ લઘુતમ તાપમાન નોંધાયું છે. બીજી તરફ દિલ્હી-એનસીઆરમાં પારો નીચો રહે છે. જેના કારણે ઠંડીનો અનુભવ થાય છે. ભારતીય હવામાન વિભાગના જણાવ્યા અનુસાર શુક્રવારે ઉત્તર ભારતમાં થોડો ઠંડો રહેશે. પરંતુ દક્ષિણ ભારતના કેટલાક ભાગોમાં વરસાદ પડશે.રાજ્યના મોટાભાગના જિલ્લાઓમાં લઘુત્તમ તાપમાન 10 ડિગ્રી સેલ્સિયસથી ઉપર હતું, પરંતુ આ હજુ પણ સામાન્ય કરતા 3-4 ડિગ્રી સેલ્સિયસ ઓછું છે.

હવામાન વિભાગના જણાવ્યા અનુસાર આગામી 10 દિવસ સુધી રાજ્યના મોટાભાગના ભાગોમાં હવામાન શુષ્ક રહેવાની ધારણા છે, તાપમાન યથાવત રહેશે. જોકે દક્ષિણ પ્રદેશોમાં પૂર્વીય પવનોના પ્રભાવને કારણે, લઘુત્તમ તાપમાનમાં થોડો વધારો (1-2 ડિગ્રી સેલ્સિયસ) થઈ શકે છે.ગુજરાતમાં ઠંડીનો પારો ગગડ્યો છે ત્યારે તીવ્ર ઠંડીનો અહેસાસ થઈ રહ્યો છે. હવામાન વિભાગે આપેલા તાપમાનના આંકડા પ્રમાણે ઠંડીમાં સામાન્ય ઘટાડો નોંધાયો છે. રાજ્યમાં લઘુતમ તાપમાન 10 ડિગ્રી નજીક પહોંચ્યું છે. રાજ્યમાં 10.8 ડિગ્રી સાથે નલિયા રાજ્યનું સૌથી ઠંડુ શહેર બન્યું છે.

ચાર દિવસમાં મધ્ય ભારતમાં લઘુત્તમ તાપમાનમાં 2-4°Cનો વધારો થવાની ધારણા છે, ત્યારબાદ કોઈ ખાસ ફેરફાર થશે નહીં. ઉત્તરપશ્ચિમ ભારતના મેદાની વિસ્તારોમાં તાપમાન આગામી 24 કલાક સુધી યથાવત રહેશે, પરંતુ આગામી છ દિવસમાં 2-3°Cનો ઘટાડો થઈ શકે છે.આગામી પાંચ દિવસમાં પશ્ચિમ ભારતમાં લઘુત્તમ તાપમાનમાં 2-4°Cનો વધારો થવાની ધારણા છે. દેશના બાકીના ભાગોમાં તાપમાન યથાવત રહેશે. 21 અને 22 નવેમ્બરના રોજ પશ્ચિમ મધ્યપ્રદેશમાં અલગ અલગ સ્થળોએ શીત લહેર આવી શકે છે.