હવામાન@ગુજરાત: આજે યલો એલર્ટ સાથે હીટવેવની આગાહી

અટલ સમાચાર ડોટ કોમ, ડેસ્ક

રાજ્યમાં હીટવેવ આગાહી વચ્ચે મોટાભાગના શહેરોમાં ગરમીનું પ્રમાણ વધુ જોવા મળ્યું છે. રાત્રિથી વહેલી સવાર સુધી ઠંડા પવનો ફૂંકાતા ગરમીથી છુટકારો મળ્યો છે. હવામાન વિભાગે આજે કચ્છ અને બનાસકાંઠા જિલ્લામાં ગરમીનો પારો ઊંચો રહેવાની આગાહી કરી હતી. રાજકોટમાં 43.3 ડિગ્રી તાપમાન નોંધાતા લોકો ત્રાહિમામ પોકારી ગયા હતા.આજથી તાપમાનમાં 2 થી 3 ડિગ્રીનો ઘટાડો થશે. અમદાવાદમાં સામાન્ય તાપમાન 40 ડિગ્રીથી ઉપર નોંધાયું હતું.

11 અને 12 એપ્રિલે તાપમાન 40 ડિગ્રીથી નીચે ગયું હતું, જ્યારે 10 એપ્રિલે 43.3 ડિગ્રી નોંધાયું હતું.આગામી 3 દિવસ દરમિયાન 18 એપ્રિલ સુધી ઉત્તર પશ્ચિમ ભારતમાં મહત્તમ તાપમાનમાં 2-4° સેલ્સિયસનો ધીમે ધીમે વધારો થવાની શક્યતા છે અને ત્યારબાદના 3-4 દિવસ દરમિયાન 2-3° સેલ્સિયસનો ધીમે ધીમે ઘટાડો થવાની શક્યતા છે. આગામી 4 દિવસ દરમિયાન મધ્ય ભારતમાં મહત્તમ તાપમાનમાં 2-3°C નો ધીમે ધીમે વધારો થવાની સંભાવના છે અને ત્યારબાદના 3 દિવસ દરમિયાન કોઈ નોંધપાત્ર ફેરફાર થશે નહીં. ભારતીય હવામાન વિભાગએ જણાવ્યું છે કે આ વખતે ચોમાસુ સામાન્ય કરતાં સારું રહેશે. જૂનથી સપ્ટેમ્બર સુધી સારો વરસાદ પડશે.

હવામાન વિભાગના જણાવ્યા અનુસાર, આ વખતે સામાન્ય કરતાં 105% વધુ વરસાદની શક્યતા છે, જે ખેડૂતો અને ખેતી માટે સારો સંકેત છે. 2025 માં 105% એટલે કે 87 સેમી વરસાદની શક્યતા છે. ચોમાસાની ઋતુ 4 મહિના સુધી ચાલે છે, જેના માટે લાંબા ગાળાની સરેરાશ 868.6 મીમી એટલે કે 86.86 સેમી છે. આનો અર્થ એ થયો કે આખી સીઝન દરમિયાન આટલો બધો વરસાદ પડશે.