હવામાન@ગુજરાત: આજે રાજ્યના 10 જિલ્લાઓમાં ભારે વરસાદની શક્યતા, જાણો ક્યાં ક્યાં પડશે?

અટલ સમાચાર ડોટ કોમ, ડેસ્ક

ગુજરાતમાં વરસાદની માત્રા અને વિસ્તાર ઘટી ગયો છે. આવી સ્થિતિ વચ્ચે હવામાન વિભાગે આજે મંગળવાર માટે વરસાદની આગાહી કરી છે. આગાહી પ્રમાણે આજે રાજ્યના 10 જિલ્લાઓમાં ભારે વરસાદ પડવાની શક્યતા છે. જોકે, ગુરુવારે નર્મદા જિલ્લામાં અતિ ભારે વરસાદ પડવાની શક્યતા છે.હવામાન વિભાગ પ્રમાણે આજે મંગળવારે રાજ્યના ત્રણ વિસ્તારોના 9 જિલ્લાઓમાં ભારે વરસાદની આગાહી કરી છે. આગાહી પ્રમાણે સાબરકાંઠા, અરવલ્લી, પંચમહાલ, દાહોદ, મહિસાગર, છોટા ઉદેપુર, નવસારી, વલસાડ, દમણ, દાદરા નગર હવેલીમાં ભારે વરસાદ પડશે.

હવામાન વિભાગના જણાવ્યા અનુસાર બનાસકાંઠા,પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ આણંદ, પંચમહાલ, દાહોદ, મહિસાગરમાં હળવાથી મધ્યમ વરસાદ પડવાની શક્યતાછે. વડોદરા, છોટા દેપુર, નર્મદા, ભરૂચ, સુરત, ડાંગ,નવાસારી, વલસાડ, તાપી, દમણ, દાદરા નગર હવેલી, સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં છૂટો છવાયો વરસાદ પડવાની શક્યતા છે. હવામાન વિભાગની આગાહીઓ વચ્ચે ગુરુવારે વરસાદ નર્મદા જિલ્લાઓમાં ભૂક્કા બોલાવશે. હવામાન વિભાગે નર્મદા જિલ્લા માટે વરસાદનું ઓરેન્જ એલર્ટ આપ્યું છે.