હવામાન@ગુજરાત: આગામી 7 દિવસ ભારે વરસાદની આગાહી, બે જિલ્લામાં રેડ એલર્ટ

અટલ સમાચાર ડોટ કોમ, ડેસ્ક

ગુજરાતમાં ચોમાસાની બે સિસ્ટમ હજી સક્રિય હોવાથી આગામી 7 દિવસ વરસાદનો દોર ચાલુ રહેશે. જેથી કેટલાક જિલ્લાઓમાં આજે ભારે વરસાદની આગાહી કરવામાં આવી છે.નવસારી, વલસાડ, દમણ, દાદરા નગર હવેલી, તાપી, ડાંગ, નર્મદા, છોટાઉદેપુર, અરવલ્લી, મહીસાગર, સાબરકાંઠા, દાહોદ, સુરત અને પંચમહાલમાં ભારે વરસાદનો વર્તારો છે.જ્યારે આવતીકાલે બે જિલ્લામાં રેડ એલર્ટ આપવામાં આવ્યું છે. આ જિલ્લાઓ છે નર્મદા અને તાપી. જ્યારે દક્ષિણ ગુજરાતમાં પણ અતિભારે વરસાદની શક્યતા છે. સૌરાષ્ટ્રમાં ભારે વરસાદની આગાહી સાથે ઓરેન્જ એલર્ટ જાહેર કરાયું છે.

સૌરાષ્ટ્રમાં ઓરેન્જ એલર્ટ જાહેર કરવામાં આવ્યું છે. આ સાથે ઠંડર સ્ટોર્મ અને ફિશરમેન વોર્નિંગ પણ અપાઈ છે. જેથી આગામી 5 દિવસ સુધી ઠંડર સ્ટોર્મની ચેતવણી જાહેર કરવામાં આવી છે. દરિયા કિનારે ભારે પવન ફુંકાવાની શક્યતાને જોતા હવામાન વિભાગે માછીમારોને દરિયો ન ખેડવાની સૂચના આપી છે. અમદાવાદ અને ગાંધીનગરમાં પહેલા 2 દિવસ મધ્યમ વરસાદ ત્યારબાદ 3 દિવસ ભારે વરસાદની આગાહી કરવામાં આવી છે.