હવામાન@ગુજરાત: આગામી 48 કલાક ભારે! ભારે પવન અને ધૂળની આંધી જોવા મળી શકે

અટલ સમાચાર ડોટ કોમ, ડેસ્ક

હવામાન વિભાગના જણાવ્યા અનુસાર, 21 એપ્રિલથી શરૂ થતા બે દિવસ સુધી રાજ્યમાં ભારે પવન અને ધૂળની આંધી જોવા મળી શકે છે.આ સમયગાળા દરમિયાન ગરમીની કોઈ શક્યતા નથી. ખાસ કરીને દક્ષિણ ગુજરાતના તમામ જિલ્લાઓમાં ધૂળના તોફાનની આગાહી છે. સૌરાષ્ટ્રના ઘણા વિસ્તારોમાં, હવા ગુણવત્તા સૂચકાંક (AQI) 270 ને પાર કરી શકે છે, જે સ્વાસ્થ્ય માટે જોખમી માનવામાં આવે છે.

અમદાવાદમાં છેલ્લા 24 કલાકમાં તાપમાન 42 ડિગ્રી સુધી પહોંચી ગયું હતું. આગામી બે દિવસમાં તાપમાનમાં 2 થી 3 ડિગ્રીનો ઘટાડો થવાની ધારણા છે. ઉત્તર ગુજરાતના રાધનપુર, પાટણ, વિરમગામ, કડી, બેચરાજી, ચોટીલા, સુરેન્દ્રનગર, હળવદ, ધનગરધ્રા, ધંધુકા અને લખતર જેવા વિસ્તારોમાં 20મી એપ્રિલે બપોર બાદ ધૂળની ડમરીઓ ઉડી શકે છે. મધ્ય ગુજરાતના આણંદ, કપડવંજ, તારાપુર અને પેટલાદ જેવા વિસ્તારોમાં ધૂળના વાદળો છવાયેલા રહેવાની પણ શક્યતા છે. એપ્રિલમાં સામાન્ય રીતે તાપમાનમાં વધારો જોવા મળે છે.

આ વખતે ધૂળિયા પવનોને કારણે તાપમાનમાં વધઘટ થશે. મે મહિનાની શરૂઆતમાં પણ આવું જ હવામાન રહેવાની અપેક્ષા છે. IMD અનુસાર, 26 એપ્રિલ પછી રાજ્યના 9 જિલ્લાઓમાં હળવો વરસાદ પડી શકે છે, જેનાથી ગરમીથી થોડી રાહત મળશે.કચ્છના કેટલાક ભાગોમાં પવનની ગતિ 45 કિમી પ્રતિ કલાક સુધી પહોંચી શકે છે. હવામાન નિષ્ણાતો માને છે કે ચોમાસા પહેલા આવા તીવ્ર પવનો સામાન્ય છે. પરંતુ વધતા પ્રદૂષણ અને શહેરીકરણને કારણે તેમની અસર વધુ જોવા મળી રહી છે.આ ધૂળિયા હવામાનની સૌથી વધુ અસર શ્વસન અને ત્વચા સંબંધિત સમસ્યાઓ પર પડશે.