હવામાન@ગુજરાત: છેલ્લા 24 કલાકમાં 21 તાલુકામાં વરસાદ, ક્યાં કેટલો નોંધાયો? જાણો

અટલ સમાચાર ડોટ કોમ, ડેસ્ક

છેલ્લા 24 કલાકમાં વરસાદના આંકડાની વાત કરીએ તો ગુજરાતમાં 24 કલાકમાં 21 તાલુકામાં વરસાદ નોંધાયો હતો. જેમાં સૌથી વધારે વરસાદ નવસારીના ચિખલીમાં 2.95 ઈંચ વરસાદ નોંધાયો હતો. 15 સપ્ટેમ્બર 2025, સવારે 6 વાગ્યાથી લઈને 16 સપ્ટેમ્બર 2025 સવારે 6 વાગ્યા સુધીમાં 24 કલાકના સમયગાળા દરમિયાન રાજ્યના 21 તાલુકામાં વરસાદ નોંધાયો હતો.

સૌથી વધારે વરસાદ નવસારીના ચિખલીમાં 2.95 ઈંચ વરસાદ નોંધાયો હતો.ગુજરાતમાં દક્ષિણ વિસ્તારમાં મેઘ રાજાની મહેર જોવા મળી રહી છે ત્યારે ખાસ કરીને નવસારી જિલ્લામાં સૌથી વધારે વરસાદ નોંધાયો હતો. નવસારી જિલ્લાના મોટાભાગના તાલુકામાં વરસાદ નોંધાયો હતો. ચિખલીમાં 2.95 ઈંચ આશરે ત્રણ ઈંચ જેટલો વરસાદ નોંધાયો હતો. ખેરગામમાં 1.93 ઈંચ, ગણદેવીમાં 0.47 ઈંચ,નવસારીમા 0.24 ઈંચ વરસાદ નોંધાયો હતો.હવામાન વિભાગે આજના દિવસની આગાહી પ્રમાણે આજે મંગળવારના દિવસે દક્ષિણ ગુજરાતના ચાર જિલ્લાઓમાં ભારે વરસાદની આગાહી કરી છે. જેમાં નવસારી, વલસાડ, દમણ, દાદરા નગર હવેલીમાં ભારે વરસાદ પડશે. આ જિલ્લાઓમાં યલો એલર્ટ આપ્યું છે.