હવામાન@ગુજરાત: રાજ્યમાં ઠંડો પવન ફૂંકાતા તાપમાન સડસડાટ ગગડ્યું, 17 શહેરોમાં 20 ડીગ્રીથી નીચે તાપમાન

અટલ સમાચાર ડોટ કોમ, ડેસ્ક

રાજ્યના ઠંડીની તીવ્રતા દિવસેને દિવસે વધી રહી છે. 17 શહેરોમાં તાપમાન 20 ડિગ્રીથી નીચે ગગડી ગયું છે. આ ઉપરાંત રાજ્યમાં ઠંડા પવનો પણ ફૂંકાઈ રહ્યા છે જેના કારણે ઠંડીનું પ્રમાણ વધુ વધ્યું છે. હવામાન વિભાગનું કહેવું છે કે ઉત્તર ભારતમાં હિમવર્ષાની અસર ગુજરાતના હવામાન પર પણ પડી રહી છે.હવામાન વિભાગના અમદાવાદ કેન્દ્ર દ્વારા નજીકના ભવિષ્યમાં થઈ રહેલા ફેરફારો વિશે માહિતી આપવામાં આવી છે. આગામી 7 દિવસ સુધી હવામાનમાં મોટા ફેરફારની કોઈ શક્યતા નથી. રાજ્યના તાપમાનમાં 2-4 ડિગ્રીનો ઘટાડો થઈ શકે છે, આવી સ્થિતિમાં રાજ્યમાં ઠંડીના પ્રમાણમાં સામાન્ય વધારો થઈ શકે છે.

હવામાન વિભાગે જણાવ્યું કે ગુજરાતમાં ઉત્તર-પશ્ચિમ અને ઉત્તરીય પવનો આવી રહ્યા છે, ઉત્તરીય પવનો ફૂંકાશે જેના કારણે તાપમાનમાં ઘટાડો થવાની આશંકા છે. તેમણે વધુમાં જણાવ્યું હતું કે ગુજરાતમાં આવતા પવનો ઉત્તરથી રાજસ્થાન થઈને આવશે જેના કારણે ઠંડી સામાન્ય થઈ શકે છે. આથી બે દિવસ બાદ તાપમાનમાં નજીવો વધારો થઈ શકે છે પરંતુ કોઈ મોટા ફેરફારની કોઈ શક્યતા નથી.

હવામાન વિભાગના જણાવ્યા અનુસાર રાજ્યમાં ગત રોજ નલિયામાં 10.8, ડીસામાં 12.4, અમદાવાદમાં 13.2, ગાંધીનગરમાં 14, કેશોદમાં 14.8, વલ્લભવિદ્યાનગરમાં 15, રાજકોટમાં 15, મહુવામાં 15.1, વડોદરામાં 15.2 ડિગ્રી નોંધાયું હતું. , પોરબંદરમાં 15.4, સુરતમાં 15.8, ભુજમાં લઘુત્તમ તાપમાન 16.2, સુરેન્દ્રનગર 16.8, ભાવનગર 17, કંડલા પોર્ટ 17.7, વેરાવળ 19.1, દ્વારકા 19.2, ઓખા 22.7 ડિગ્રી નોંધાયું હતું.