હવામાન@ગુજરાત: ભરઉનાળે વીજળીના કડાકા સાથે કમોસમી વરસાદ પડશે, અંબાલાલ પટેલની મોટી આગાહી

અટલ સમાચાર ડોટ કોમ, ડેસ્ક

અંબાલાલ પટેલે ભરઉનાળે વરસાદની આગાહી કરી છે. તેમનું માનવું છે કે, વીજળીના કડાકા સાથે તોફાની કમોસમી વરસાદ પડશે સાથે સાથે આવતીકાલથી રાજ્યના વાતાવરણમાં પલટો આવશે તેમજ 50 થી 60 કિલોમીટરની ઝડપે પવનો ફૂંકાશે તેમજ 4 થી 8 મે સુધી ગુજરાતમાં કમોસમી વરસાદ પડી શકે છે. ઉત્તર ગુજરાત, સૌરાષ્ટ્ર, કચ્છ અને મધ્ય ગુજરાતમાં પડી શકે છે કમોસમી વરસાદ.આગામી 4 થી 11 એપ્રિલ દરમિયાન ગુજરાત સહિત દેશના હવામાનમાં પલટો આવશે.

રાજ્યના પૂર્વિય ભાગોમાં દક્ષિણ તથા ઉત્તર ગુજરાતમાં 11 એપ્રિલ સુધી હવામાનમાં પલટો આવશે તેમજ રાજ્યમાં ગાજવીજ સાથે વરસાદી માહોલ થશે અને વરસાદી છાંટા પણ પડશે,કચ્છ અને ઉત્તર પૂર્વ ગુજરાતમાં તાપમાન 42 ડિગ્રીની આસપાસ રહી શકે છે તો દક્ષિણ ગુજરાતમાં તાપમાન 40 ડિગ્રી શેલ્સિયસ રહી શકે છે. પૂર્વ ગુજરાતના ભાગોમાં તાપમાન ૩૩ ડિગ્રી સુધી રહી શકે છે તો 12-13 એપ્રિલ દરમિયાન ભારે પવન આંધી વંટોળનું પ્રમાણ રહેશે તો 14 એપ્રિલથી બંગાળનો ઉપસાગર સક્રિય થાય અને વાવાઝોડાની પ્રક્રિયા શરૂ થશે તેમજ 26 એપ્રિલથી ગરમીનું પ્રમાણ વધશે અને મહત્તમ તાપમાન 45 ડિગ્રી સુધી જઈ શકે છે.

અંબાલાલ પટેલે વધુમાં કહ્યું કે,10 એપ્રિલ સુધી મહત્તમ તાપમાન 43 ડિગ્રી સુધી પહોંચશે તો મોટા ભાગના જિલ્લામાં તાપમાન 41 ડિગ્રી ઉપર રહેશે અને એપ્રિલમાં ભારે આંધી અને તોફાની પવન ફૂંકાશે તો ભારે પવનોના લીધે કેરીના પાકને નુકસાન થઇ શકે છે,અને એપ્રિલ મહિનાના અંતમાં અરબી સમુદ્રમાં ચક્રવાત સર્જાશે.મધ્ય ગુજરાત અમદાવાદ ,ગાંધીનગર, વડોદરા, આણંદ, ખેડા, સહિત 41 ડિગ્રી સુધી ગરમી રહેશે તો દક્ષિણ ગુજરાતમાં વલસાડ, નવસારી, સુરત, દમણ સહિતના વિસ્તારોમાં 42 ડિગ્રી સુધી ગરમી રહી શકે છે,સૌરાષ્ટ્રના ભાગોમાં અમરેલી, રાજકોટ, સુરેન્દ્રનગર, રાજકોટ સહિત 39 થી 40 ડિગ્રી રહેશે તો અગાઉ રાજ્યમાં નબળા પડેલા વેસ્ટર્ન ડિસ્ટર્બનસને લીધે માર્ચમાં ગરમી આકરી પડશે સાથે સાથે વેસ્ટર્ન ડિસ્ટર્બનસને લીધે વાદળછાયું વાતાવરણ રહેશે.