હવામાન@ગુજરાત: આ વિસ્તારોમાં 10 ઈંચ સુધી વરસાદની સંભાવના, અંબાલાલની ભયંકર આગાહી

અટલ સમાચાર ડોટ કોમ, ડેસ્ક

24 થી 27 ઓગસ્ટ ગુજરાતના કેટલાક વિસ્તારોમાં આફત લાવશે. સુરત અને ભરૂચમાં ભારે વરસાદની આગાહી કરવામાં આવી છે. જેમાં 10 ઈંચ સુધી વરસાદની સંભાવના છે. ઉત્તર ગુજરાતમાં પણ ભારે વરસાદની શક્યતા વ્યક્ત કરવામાં આવી છે. પંચમહાલ અને વડોદરામાં પણ ભારે વરસાદની સંભાવના છે. અંબાલાલ પટેલની છેલ્લી આગાહી પણ આવી ગઈ છે. તેમણે કહ્યું છે કે 23 થી 26 ઓગસ્ટ સુધી ગુજરાતમાં ભારે વરસાદ પડશે. કારણ કે બિહાર અને બંગાળ તરફનું લો પ્રેશર મધ્યપ્રદેશ અને ગુજરાતમાં રહેશે.

અરબી સમુદ્રની સિસ્ટમ મજબૂત બનશે, ગુજરાતમાં ભારે વરસાદની શક્યતા. ઉત્તર ગુજરાતમાં ભારે વરસાદ પડી શકે છે. 26મી પછી વધુ એક સિસ્ટમ સક્રિય થશે. સપ્ટેમ્બરના દિવસે અને ગણેશ ચતુર્થીના દિવસે પણ વરસાદની સંભાવના રહેશે.તેમણે એમ પણ કહ્યું કે 24 ઓગસ્ટ સુધીમાં દક્ષિણ ગુજરાત અને દક્ષિણ અને પશ્ચિમ સૌરાષ્ટ્રમાં ભારેથી અતિ ભારે વરસાદની શક્યતા છે. સાદ થવાની સંભાવના છે. દક્ષિણ ગુજરાત અને દક્ષિણ અને પશ્ચિમ સૌરાષ્ટ્રમાં ભારેથી અતિભારે વરસાદની શક્યતા છે.

અંબાલાલ પટેલે 20 થી 25 ઓગસ્ટ દરમિયાન ગુજરાતમાં ભારેથી અતિ ભારે વરસાદની આગાહી કરી છે. અંબાલાલ પટેલે જણાવ્યું છે કે આ દિવસો દરમિયાન મેઘરાજા ગુજરાત પર મનમુકીને વરસાવશે. આગામી સપ્તાહે ગુજરાતમાં વરસાદી માહોલ રહેશે તેવી આગાહી પણ હવામાન વિભાગે કરી છે. આગામી 48 કલાક માટે ખાસ કરીને ઉત્તર ગુજરાતના ભાગોમાં ભારે વરસાદ સાથે યલો એલર્ટ જારી કરવામાં આવ્યું છે. આજે સૌરાષ્ટ્ર અને દક્ષિણ ગુજરાતના જિલ્લાઓમાં પણ ભારે વરસાદની આગાહી કરવામાં આવી છે.