હવામાન@ગુજરાત: રાજ્યના અનેક વિસ્તારોમાં ઠંડીના ચમકારા વચ્ચે માવઠાની આગાહી

​​​​​​અટલ સમાચાર ડોટ કોમ, ડેસ્ક

હવામાન વિભાગની આગાહી અનુસાર કેટલાક વિસ્તારોમાં કડકડતી ઠંડીનો અનુભવ થશે. કચ્છ, સૌરાષ્ટ્ર સહિતના વિસ્તારોમાં ઠંડો પવન ફૂંકાય તેવી આગાહી કરવામાં આવી છે.બીજી તરફ હવામાન નિષ્ણાંત દ્વારા 4થી 6 ડિસેમ્બર વચ્ચે ગુજરાતના વાતાવરણમાં પલટો આવી શકે તેવી સંભાવના વ્યક્ત કરવામાં આવી છે. ગુજરાતના અનેક વિસ્તારોમાં વરસાદની પણ શકયતાઓ છે. અંબાલાલ પટેલ દ્વારા આગાહી કરવામાં આવી છે કે રાજ્યના કેટલાક વિસ્તારમાં માવઠું પડી શકે છે.હવામાન વિભાગે જાહેર કરેલી આગાહી પ્રમાણે, ગુજરાતમાં હાલ સાત દિવસ વાતાવરણ શુષ્ક રહેવાનું અનુમાન છે.

હવામાન વિભાગ દ્વારા રાજ્યમાં આગામી 3 દિવસ માટે લઘુત્તમ તાપમાન 2થી 3 ડિગ્રી વધવાની શક્યતા છે. જે બાદના દિવસોમાં તાપમાનમાં 3થી 4 ડિગ્રી ઘટવાનું અનુમાન કરવામાં આવ્યું છે. હવામાન વિભાગ દ્વારા કચ્છના ભાગોમાં ઠંડા પવનો ફૂંકાવવાની પણ આગાહી કરવામાં આવી છે. ઉત્તર ગુજરાતના વિસ્તારોમાં હજુ કડકડતી ઠંડી પડવાની શક્યતા છે. મધ્ય ગુજરાતમાં ન્યૂનતમ તાપમાન 18ડિગ્રી સેલ્સિયસ રહે તેવી સંભાવના હવામાન વિભાગ દ્વારા વ્યક્ત કરવામાં આવી છે. મધ્ય અને ઉત્તર ગુજરાતના કેટલાક ભાગોમાં વાદળ છાયું વાતાવરણ રહે તેવી આગાહી કરી છે. દક્ષિણ ગુજરાતના વિસ્તારોમાં વરસાદી છાંટા પડવાની પણ આગાહી કરવામાં આવી છે.