હવામાન@ગુજરાત: આજથી 3 દિવસ યલો એલર્ટ, તાપમાન 40 ડિગ્રીએ પહોંચ્યું

અટલ સમાચાર ડોટ કોમ, ડેસ્ક

રાજ્યમાં આજે શુક્રવારે આગ વરસાવતી ગરમી પડી શકે છે. હવામાન વિભાગા દ્વારા શુક્રવારથી રવિવાર એમ ત્રણ દિવસ યલો એલર્ટ અને સોમવાર-મંગળવાર એમ બે દિવસ ઓરેન્જ એલર્ટ આપવામાં આવ્યું છે. અમદાવાદમાં ગઈકાલે (ત્રીજી એપ્રિલ) 10 ડિગ્રી સરેરાશ મહતમ તાપમાન નોંધાયું હતું. આગામી પાંચ દિવસ અમદાવાદનું તાપમાન 42-43 ડિગ્રી આસપાસ રહેવાની હવામાન વિભાગની આગાહી છે.

આજે દિવસ દરમિયાન ભૂજમાં સૌથી વધુ 42.8 ડિગ્રી ગરમીમાં શેકાયું હતું. આ સિવાય રાજકોટમાં 42.7 ડિગ્રી, અમરેલીમાં 41.3 ડિગ્રી, ડીસા 41.2 ડિગ્રી, અમદાવાદ 40.0 ડિગ્રી, ગાંધીનગર 39.9 ડિગ્રી, નલિયા 39.6 ડિગ્રીએ ગરમીનો પારો નોંધાયો હતો. હવામાન વિભાગ દ્વારા આગામી ત્રણ દિવસ પોરબંદરમાં ઓરેન્જ જ્યારે રાજકોટ, જૂનાગઢ, કચ્છમાં યલો એલર્ટ અપાયું છે. આ ઉપરાંત ઉત્તર ગુજરાત, દક્ષિણ ગુજરાતમાં હળવા વરસાદની પણ સંભાવના છે.