હવામાન@ગુજરાત: છેલ્લા ત્રણ દિવસથી રાજ્યમાં મેઘમહેર, ક્યાં કેટલો વરસાદ નોંધાયો? જાણો

અટલ સમાચાર ડોટ કોમ, ડેસ્ક

રાજ્યના મોટાભાગના વિસ્તારોમાં હળવાથી અતિ ભારે વરસાદ પડી રહ્યો છે. ત્યારે ગુજરાતમાં છેલ્લા 24 કલાકમાં પડેલા વરસાદની વાત કરીએ તો રાજ્યમાં છેલ્લા 24 કલાકમાં 145 તાલુકામાં વરસાદ નોંધાયો હતો. જેમાં સૌથી વધારે વરસાદ સુરત, છોટા ઉદેપુર અને પંચમહાલ જિલ્લાના તાલુકામાં નોંધાયો હતો. 28 જુલાઈ 2025 સવારે 6 વાગ્યાથી લઈને 29 જુલાઈ 2025 સવારે 6 વાગ્યા સુધીમાં 24 કલાકમાં રાજ્યના 145 તાલુકામાં વરસાદ નોંધાયો હતો. સૌથી વધારે વરસાદ સુરતના ઉમરપાડામાં 4.92 ઈંચ નોંધાયો હતો.

છેલ્લા 24 કલાકમાં 145 તાલુકામાં વરસાદ નોંધાયો હતો. જેમાં 8 તાલુકા એવા છે જ્યાં 2 ઈંચ કરતા વધારે વરસાદ નોંધાયો છે. 29 જુલાઈ 2025 સવારે 6 વાગ્યા સુધીમાં 24 કલાકમાં રાજ્યના 145 તાલુકામાં વરસાદ નોંધાયો હતો. જેમાં 35 તાલુકામાં વરસાદે માત્ર હાજરી પુરાવી છે. એટલે કે આ તાલુકામાં 1-2 એમએમ વરસાદ જ નોંધાયો હતો.આજે 29 જુલાઈ 2025 માટે 14 જિલ્લાઓ માટે અતિ ભારે વરસાદની આગાહી કરી છે. હવામાન વિભાગે ખેડા, આણંદ, પંચમહાલ, મહિસાગર, વડોદરા, છોટા ઉદેપુર, નર્મદા,સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં અતિ ભારે વરસાદની આગાહી કરી છે.