ICC ટી20 વર્લ્ડ કપ 2021: ઓસ્ટ્રેલિયાની રોમાંચક જીત બાદ પાકિસ્તાની ટીમની મજાક ઉડી
file photo
ICC ટી20 વર્લ્ડ કપ 2021 ટુર્નામેન્ટમાંથી બહાર થવાની સાથે જ પાકિસ્તાન ક્રિકેટ ટીમની સોશિયલ મીડિયામાં મજાક ઉડી રહી છે.

અટલ સમાચાર, ડેસ્ક

ICC ટી20 વર્લ્ડ કપ 2021 ટુર્નામેન્ટમાંથી બહાર થવાની સાથે જ પાકિસ્તાન ક્રિકેટ ટીમની સોશિયલ મીડિયામાં મજાક ઉડી રહી છે. ઓસ્ટ્રેલિયાએ બાબર આઝમની સેનાને સેમીફાઈનલમાં 5 વિકેટથી હરાવી. ટોસ હારીને પહેલા બેટિંગ કરતા પાકિસ્તાને નિર્ધારિત 20 ઓવરમાં 4 વિકેટ ગુમાવીને 176 રન બનાવ્યા.  મોહમ્મદ રિઝવાને 67, ફખર ઝમાને 55 અને બાબર આઝમે 39 રનનું યોગદાન આપ્યું. આટલી શાનદાર બેટિંગ છતાં પાકિસ્તાનની ટીમે હારનો સામનો કરવો પડ્યો. જ્યારે ઓસ્ટ્રેલિયા તરફથી મેશેલ સ્ટાર્કે 2, પેટ કમિન્સ અને એડમ ઝમ્પાએ 1-1 વિકેટ લીધી. 

અટલ સમાચારને દૈનિક તમારા મોબાઇલમાં મેળવવા અહીં ક્લિક કરો

જેના જવાબમાં ઓસ્ટ્રેલિયાએ 177 રનનો ટાર્ગેટ 5 વિકેટ ગુમાવીને મેળવી લીધો. એક સમયે એવું લાગતું હતું કે પાકિસ્તાન આ મેચ સરળતાથી જીતી જશે પરંતુ માર્ક્સ સ્ટોઈનિસ અને મેથ્યુ વેડના ઈરાદા કઈક અલગ જ હતા. આ બંનેએ ભેગા મળીને ઓસ્ટ્રેલિયાને 5 વિકેટથી રોમાંચક જીત અપાવી.  આઈસીસી ટી20 વર્લ્ડ કપ 2021ની ફાઈનલમાં હવે ઓસ્ટ્રેલિયાનો મુસાબલો ન્યૂઝીલેન્ડ સામે થશે. પાકિસ્તાનની આ સજ્જડ હારથી  ભારતીય ક્રિકેટ ફેન્સમાં ખુશીનો માહોલ છે. તેઓ સોશિયલ મીડિયા પર મજેદાર અંદાજમાં મીમ્સ શેર કરી રહ્યા છે. 

file photo